Galacia 5:17 - U Maganda A Baheta Ni Jesu-Cristo

¹⁷ Dipo u hilig nu pilas ay kontara tu kagustuwan nu Banal a Ispirito. Sakay u gusto be nu Banal a Ispirito ay kontara tu kagustuwan nu pilas. Magkalaban i duwwaan iye, kanya awan moy magimet u gusto moy a gimitán.

Galacia 5:17 ပူးပေါင်းရင်းမြစ်များ

Mateo 12:30

Ni deya u awan tumulung nikán ay kontra nikán sakay ni deya u awan tumulung nikán a magpaipun ti tolay ay magpaadeyo nide.

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Mateo 26:41

Magpuyat kam sakay manalangin tánni awan kam matalo nu tukso. U espiritu ay nakahanda pero mahina u bággi.”

Mateo 5:6

Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Lukas 22:33

Timmábbeg ti Pedro, “Panginoon, nakahandaák a mepireso sakay matay a kaguman mo!”

Lukas 22:46

Tinanung na hide, “Bakin a mágtatidugán kam? Umikat kam sakay magdasal tánni awan kam madaig nu tokso.”

Juan 3:6

U meenak a ayun tu pagkatolay ay konna labe tu essa a tolay, sakay u meenak a ayun tu Banal a Ispirito nu Diyos ay magkahod ti biyag a gábwat ti langet.

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

Galacia 3:21

Gusto bemanay ni iye a kagiyán ay kontara tu pananto hide nu Diyos u Kautusan? Awan, dipo u Kautusan sakay u pananto ay awan magkapareho ti layunin. Bakán a u págsunud tu Kautusan u dahilan para u tolay ay meturing a matuwid kaya bakán a u Kautusan u makapangatad ti biyag a awan ti kahad.

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.