Galacia 5:11 - U Maganda A Baheta Ni Jesu-Cristo

¹¹ Kákkapatkákka ko hide, tehhod kan a magkagi a ipáppangaral ko kan hanggan nadid a kailangan pade a magpature. Ni tatahoden ina ay awan dán nakwa ti magpahirap nikán. U tatahoden ay páppahirapanák di la dipo ipáppangaral ko u tungkul tu kákkepako ni Cristo tu kudus.

Galacia 5:11 ပူးပေါင်းရင်းမြစ်များ

Gimet 16:3

Gusto a kuyugán ni Pablo ti Timoteo, kanya tinure na siya dipo tukoy nu Judio hide a mámmágyan ti lugaran itod a Griego u ama ni Timoteo.

Gimet 21:21

Sakay nabaheta de a itáttoldu mu kan tu Judio hide a mámmágyan tu banuwan nu Hentil hide a awan di dán kailangan a sumunud tu Kautusan ni Moises. Kinagi mo kam pa a diyan di dán turiyán u anak di hide oni diyan di dán sunudán u kaugaliyan tam a Judio hide.

Gimet 21:28

Ipáppákhaw de, “Kalugaran me hide, tulungan moy kame! Iye a tolay u mágtatolduwán ti kontara tu bansa a Israel, kontara tu Kautusan ni Moises, sakay kontara tu templo, maskin hádya siya a dumemát. Nangkuyog pa siya ti Griego hide tu templo; dinangáttan na iye a banal a lugar.”

1 Corinto 1:18

U adal tungkul tu kákkatay ni Cristo tu kudus ay awan de atádden ti kabuluhan nu tolay hide a mepahamak, pero nikitam a naligtas dán ay iye u kapangyariyan nu Diyos.

1 Corinto 1:23

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Corinto 15:30

Sakay hikame, bakin mi pa a itaya u biyag me tu dilikadu a kalagayan kada odas?

Galacia 2:3

Maski ni Griego u kaguman ko a ti Tito ay awan de pinilit a magpature.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Galacia 4:29

Tu itod a panahun, u anak a alipin ay pinahirapan na u anak a inyenak tu pamamag-itan nu kapangyariyan nu Banal a Ispirito. Konna bi hod nadid a panahun, páppahirapan kitam nu sakup hide nu Kautusan ni Moises.

Galacia 6:12

U tolay a mangpilit nikam a magpature ay gustu dila a puriyán hide nu agum a tolay. Konna hod gimet diyay dipo paraan de a awan hide mapahirapan a konna tu págpahirap tu tolay a magtoldu au kamatayan la ni Cristo tu kudus u makaligtas tu tolay.

Galacia 6:17

Kanya sapul nadid ay diyan moy dán nakwa dagdagen i hirap kuwáy. Dipo u peklat hide tu bággi ko ay magpatunay a tagapagserbiyák ni Jesus.