Galacia 5:1 - U Maganda A Baheta Ni Jesu-Cristo

¹ Nadid, ay malaya kitamon dipo pinalaya kitamon ni Cristo tu Kautusan a nangsakup nikitam. Kaya magpakatatag kam sakay dyan dán paalipin a huway!

Galacia 5:1 ပူးပေါင်းရင်းမြစ်များ

Mateo 23:4

Naghanda hide ti madágge a karga sakay pinabaklay de tu tolay hide pero maski ni toldo man ay umád de iyahikad para tumulong.

Lukas 5:38

Ni bigu a alak u iyasák moy ay dapat a bigu be u pággasákkan.

Gimet 15:10

Bakin a gusto moy a purbaan u Diyos? Bakin a pagimet moy tu mánnampalataya hidi u bagay hide a mágkahirap a maski u ninunu tam hide sakay hikitam ay awan tam magimet?

Roma 6:14

Dipo awan dán dapat a maghare pa nikam u kasalanan, dipo awan kamon sakup nu Kautusan ni awan sakup dán nu habag nu Diyos.

Roma 6:18

Nadid, ay napalaya kamon tu kasalanan sakay alipin kamon nu katuwiran.

Roma 7:3

Kaya ni mák-agum siya tu iba a lállake mentaras a biyag palla u kabanga na, ay nagkasala siya ti pángngalunya. Pero ni patay dán u kabanga na a lállake, malaya dán siya tu batas tungkul tu magkabanga. Sakay ni mákkabanga siya a huway, awan siya nagkasala ti pángngalunya.

Roma 7:6

Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.

Roma 8:15

Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

1 Corinto 7:22

U essa alipin tu itod a dinulaw nu Panginoon ay nagin malaya dán dipo tu Panginoon. Konna bi hod, u tolay a malaya nikuna dulawán ni Cristo ay nagin alipin dán ni Cristo.

2 Corinto 11:20

U tatahoden, págtatiisan moy la a alipinán dikam, maski ni lokuwán dikamon, áagiwan ti kayamanan, badit-baditán dikam sakay ipasanike ay tiisán moy pade hide!

2 Corinto 3:17

U Panginoon a nabanggit he ay u Banal a Ispirito, sakay ni hádya u Banal a Ispirito nu Panginoon, ay tehhod bi hod a kalayaan a gimitán u kagustuwan nu Diyos.

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.

Galacia 3:25

Nadid, dipo summampalataya kitamon ni Cristo kaya awan kitamon dapat manalig tu Kautusan para meturing kitam nu Diyos a matuwid.

Galacia 4:26

Pero u kabanga na a ti Sara ay bakán a alipin sakay siya u pángparehuwan tu Jerusalem a katoy ti langet, sakay siya u ina tam dipo awan kitam alipin nu Kautusan.

Galacia 4:31

Kaya ngane kákkapatkákka, awan kitam anak nu alipin nan anak kitam nu malaya a bábbey.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Efeso 6:14

Kaya konna tu essa a sundalo, dapat lagi kam a handa: U tatahoden la u dapat moy a isipán oni kagiyán a magesinturon moy. Sakay dapat u magada la u gimitán moy a kumán a iye u pangtakláb moy tu hakaw moy.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

1 Tesalonica 3:8

Gimmaganda u bábbatiyán me dipo tu págtulos-tulos moy a pagin matatag ti pánnampalataya.

2 Tesalonica 2:15

Kanya nadid, kákkapatkákka me hide, manatile kam a matatag a tumáttawed tu intoldu me nikam tu pággupos man oni tu sulat.

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

1 Pedro 2:16

Mabiyag kitam a konna tu tolay hide a tehhod a kalayaan. Pero diyan moy gimitán u kalayaan a iye tu pággimet ti madukás nan mabiyag kam bilang alipin nu Diyos.

2 Pedro 2:19

Ipáppananto de u kalayaan tu tolay hide a maakit de, pero mismo hide ay alipin nu kasalanan a mángpahamak nide. Dipo u tolay ay alipin nu ányaman a bagay a mangpugád nikuna.

Judas 1:3

Mahal ko hide a kákkapatkákka, gugusto ko nakwa a magsulat nikam tungkul tu kaligtasan a natanggap tamon tu pamamag-itan nu pánnampalataya tam ni Jesus. Pero mas kailangan ko nadid a magsulat tungkul tu págpabegsák tán metaknág moy u pánnampalataya tam a kompleto a nepagkaluub nikitam ti pumensan.

Pahayag 2:25

Pero dapat kam a magtulos-tulos a tapat nikán hanggan tu káddemát ko.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.