Galacia 4:6 - U Maganda A Baheta Ni Jesu-Cristo

⁶ Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Galacia 4:6 ပူးပေါင်းရင်းမြစ်များ

Markos 14:36

Impagdasal na, “Ama, Ama ko! Tukoy ko a magimet mo u atanan a bagay. Ni maare ay diyanák mo ped pabayan a maghirap. Pero bakán a u kagustuwan ko u masunud nan u kagustuwan mo.”

Lukas 11:13

Ni hikamon a mágkadukás hide a tolay ay makabeto a mangatád tu mágkaganda hide a bagay tu anak moy, itod pa beman u Ama moy ti langet! Iyatád na u Banal a Ispirito tu mangaged hide nikuna!”

Lukas 11:2

kinagi na nide, “Ni magdasal kam ay konna he u kagiyán moy, ‘Ama, puriyán nakwa u banal mo a ngahan. Maghare ka nakwa nikame.’

Juan 14:16

Sakay magdasalák tu Ama a atádden nakam ti Banal a Ispirito, siya u Tagagiyya nikam, kaguman moy siya a hanggan-hanggan.

Juan 15:26

Káttapos ay kinagi ni Jesus, “Paangayán ko nikam u Banal a Ispirito a gábwat tu Ama. Siya u mánggiya nikam, sakay itoldu na nikam u tatahoden. Káddemát na ay siya u mángpatunay ni ti deyaák a talaga.

Juan 16:7

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam.

Juan 3:34

Dipo pinaangay he nu Diyos ti Cristo para magkagi nikitam tu upos nu Diyos, dipo siya u pinagkaluuben nu Diyos tu Ispirito na a awan ti kahád ti kapangyariyan.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

Gimet 16:7

Káddemát de tu hangganan nu Misia ay gusto di nakwa a umangay ti Bitinia, pero awan hide pinayagen nu Ispirito ni Jesus.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Roma 8:9

Pero awan kamon mabiyag a ayun tu makasalanan a pagkatolay nan ayun tu pággiya nu Banal a Ispirito, ni talaga a mágyan nikam u Ispirito nu Diyos. Ni u Ispirito ni Cristo ay awan tu essa a tolay ay bakán siya a kán Cristo.

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

2 Corinto 3:17

U Panginoon a nabanggit he ay u Banal a Ispirito, sakay ni hádya u Banal a Ispirito nu Panginoon, ay tehhod bi hod a kalayaan a gimitán u kagustuwan nu Diyos.

Efeso 1:13

Hikam be ay nagin sakup nu Diyos dipo nikuna masaneg moy u Maganda a Baheta nu kaligtasan ay simmanpalataya kam ni Cristo. Kanya impagkaluub nikam u Banal a Ispirito a inpananto nu Diyos bilang tanda a pinile na kam.

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Filipos 1:19

ay u pag-asa ko a dumemát u aldew a makalayaák a huway tu tulung nu dasal moy sakay tu Banal a Ispirito ni Jesu-Cristo.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

1 Pedro 1:11

Kinagi dán nide nu Banal a Ispirito a ti Cristo ay maghirap pa bagu na a matanggap u karangalan. Inadal de ti husto ni nikan sakay ni kodya iye a mangyare.

Judas 1:20

Pero kákkapatkákka ko hide, magpakatatag kam tu malinis moy a pánnampalataya. Magdasal kam tu tulung nu Banal a Ispirito.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”