Galacia 4:5 - U Maganda A Baheta Ni Jesu-Cristo

⁵ tánni palayaán na u nasakup hide nu Kautusan. Tán mebilang kitam a anak hide nu Diyos.

Galacia 4:5 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Lukas 1:68

“Puriyán u Panginoon a Diyos nu Israel. Dipo immangay he siya ti lutaáy para palayaán sakay iligtas u anak na hide.

Juan 1:12

Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Roma 10:4

Dipo awan de tukoy a ti Cristo u katupaden nu Kautusan. Dipo tu ginimet na, u atanan a manampalataya nikuna ay imbilang nu Diyos a awan ti kasalanan.

Roma 8:14

U atanan a igiya nu Ispirito nu Diyos ay anak hide nu Diyos.

Roma 8:15

Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

Roma 9:4

Bilang Israelita ay inturing hide nu Diyos a anak na, impeta na nide u kadakilaan na, naggimet u Diyos ti kasunduwan nide, inyatád na nide u Kautusan, tinolduwan na hide tu tama a págsamba sakay makpal a pananto u Diyos nide.

Galacia 3:13

Tinubus kitamon ni Cristo tu sumpa a gábwat tu Kautusan nikuna naghirap siya a konna tu essa a sinumpa dipo nikitam. Konna tu nakasulat tu Kasulatan a, “Sinumpa u bawat nebátten tu kayo.”

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 4:21

Sa iye u tanung ko nikam, hikam a te gusto a pasakup tu Kautusan: awan moy beman nasaneg u kinagi nu Kautusan?

Galacia 4:7

Kanya bakán kamon a alipin nan anak na dán. Dipo anak na kamon kanya ginimet kam nu Diyos a tagapagmana na.

Efeso 1:5

ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 9:12

Pumensan la a simmáddáp ti Cristo tu Lugar a Kabanalan, sakay awan dán kailangan a huwayán. Bakán a digi ni kambing sakay digi ni bul-o a baka u inyalay na nan u sadile na a dige, tánni mapatawad kitam tu kasalanan tam hanggan-hanggan.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

Pahayag 14:3

Mágkansiyon u 144,000 a tolay ti bigu a kansiyon tu atubang nu trono, sakay tu áppat a linalang a biyag, sakay tu duwapulo ay ti áppat a tagapangasiwa. Awan ti makaintendi ti kansiyonan itod maliban la tu 144,000 a naligtas tu tolay hide ti munduwáy.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.