Galacia 4:3 - U Maganda A Baheta Ni Jesu-Cristo

³ Konna labe nikitam, nikuna a awan kitam palla mánnampalataya ni Cristo, alipin kitam palla nu toldu hide ti munduwáy.

Galacia 4:3 ပူးပေါင်းရင်းမြစ်များ

Mateo 11:28

Umadeni kam nikán u pagud sakay nadággiyan hide, dipo atádden ta kam ti imang.

Juan 8:31

Nadid ay kinagi ni Jesus tu tolay hide a maniwala nikuna, “Ni tulos-tulos kam a sumunud tu itáttoldu ko ay tatahoden a tagasunud takam.

Gimet 15:10

Bakin a gusto moy a purbaan u Diyos? Bakin a pagimet moy tu mánnampalataya hidi u bagay hide a mágkahirap a maski u ninunu tam hide sakay hikitam ay awan tam magimet?

Roma 7:14

Tukoy tam a u Kautusan ay maganda dipo gábwat tu Banal a Ispirito nu Diyos. Pero hikán ay makamundu, sakay alipin nu kasalanan.

Roma 8:15

Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

2 Corinto 11:20

U tatahoden, págtatiisan moy la a alipinán dikam, maski ni lokuwán dikamon, áagiwan ti kayamanan, badit-baditán dikam sakay ipasanike ay tiisán moy pade hide!

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.

Galacia 3:19

Ni konna hod, bakin a neatád pa u Kautusan? Neatád iye para mepeta tu tolay a hide ay nagkasala tu atubang nu Diyos. Pero iye ay hanggan la a dumemát u impananto a apo ni Abraham. Neatád iye a Kautusan tu pamamag-itan nu anghel hide sakay tu tulung nu tagasuhog.

Galacia 4:2

Dipo sakup palla siya nu mangalaga hide nikuna sakay tu taga pangasiwa tu ari-ariyan na hanggan tu panahun a intakda nu ama na.

Galacia 4:24

Patalinghaga iye. U duwwa a bábbey ay talinghaga nu duwwa a kasunduwan. Ti Agar u halimbawa nu tipan tu buked a Sinai sakay tu anak na hide a puro a alipin.

Galacia 4:25

Ti Hagar u kumán a u Buked a Sinai ti Arabia, sakay u inyenak na hide ay alipin hide u pángparehuwan tu tolay hide nadid ti Jerusalem ay kumán labe a alipin dipo alipin palla hide nu Kautusan.

Galacia 4:31

Kaya ngane kákkapatkákka, awan kitam anak nu alipin nan anak kitam nu malaya a bábbey.

Galacia 4:8

Tu itod nikuna awan moy palla natengge u Diyos, ay alipin kam nu diyos-diyosan hide.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

Hebreo 5:12

Dapat nakwa ay tagapagtoldu kamon, pero hanggan nadid ay kailangan kampa a tolduwan tu pasapul hide a adal tungkul tu upos nu Diyos. Hanggan nadid ay gatas palla u kákkanán moy embes a u mágkakásseng dán a makan.

Hebreo 7:16

Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.