Galacia 4:18 - U Maganda A Baheta Ni Jesu-Cristo

¹⁸ Awan madukás a mángpeta hide nikam ti págmalasakit nu tu kapiyyaan moy. Sakay dapat a palagi, bakán nakwa la a ni katubangák moy la.

Galacia 4:18 ပူးပေါင်းရင်းမြစ်များ

Juan 2:17

Naala-ala nu disepulus na hide u nesulat tu Kautusan: “U pángmalasakit ko tu bilay mo ay kumán a apoy a maggehab ti puso kuwáy.”

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

Galacia 4:13

Tukoy moy dámbe a tu dipalongo a pángngaral ko nikam ay te sakiták kayaák a nagnalay hina a nagtoldu nikam.

Galacia 4:17

Tatahoden a te tolay hina mángpeta tu págmalasakit nikam tán mebilang kam la nide pero bakán a u kapiyyaan moy u gusto de. Gusto dikam la a iyadeyo nikán tán hide dán u sunudán moy.

Galacia 4:20

Nakwa kaguman takam nadid tán mekagi ko u katoy ti isip kuwáy, dipo tunay i balisa kuwáy nikam.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.