Galacia 4:14 - U Maganda A Baheta Ni Jesu-Cristo

¹⁴ Pero maskin nahirapan kam ti husto tu págkasakit ko ay tiniisák moy, awanák moy inadiyan nan tinanggapák moy a kumán a anghel nu Diyos. Tinanggapák moy pa ngane a kumán a ti Jesu-Cristo.

Galacia 4:14 ပူးပေါင်းရင်းမြစ်များ

Mateo 10:40

Kinagi pa ni Jesus nide “Ni ti deya u mangtanggap nikam ay tinanggapák di be. Sakay u mangtanggap nikán ay tinanggap de u Ama a nangutus nikán.

Mateo 18:5

Sakay ni deya man a tumanggap tu essa a anak a kona he dipo bakán a hikán bale hikán u tinanggap na.”

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Juan 13:20

Kagiyan ko nikam u tatahoden: U mangtanggap tu tolay hide a inutusan ko ay timmanggap nikán, sakay u mangtanggap nikán ay mangtanggap tu nángpaangay he nikán.”

1 Corinto 1:28

Pinile nu Diyos u neturing hide nu mundu a mababa a tolay, awan ti halaga, sakay awan ti kabuluhan ti munduwáy tánni ipeta nu Diyos a u inturing a mahalaga nu tolay he hide ti munduway ay inturing nu Diyos a awan ti seserbi.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Galacia 4:13

Tukoy moy dámbe a tu dipalongo a pángngaral ko nikam ay te sakiták kayaák a nagnalay hina a nagtoldu nikam.

Galacia 4:15

Hádyarán nadid u kasayaan a inpeta moy nikán tu itod? Hikán dán u makapagpatunay a ni maare la nakwa ay pate u mata moy ay lábwetán moy para iyatád moy nikán.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.