Galacia 3:8 - U Maganda A Baheta Ni Jesu-Cristo

⁸ Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

Galacia 3:8 ပူးပေါင်းရင်းမြစ်များ

Juan 19:37

Kinagi be tu essa pa a bahagi nu Kasulatan, “Áelingán de u tolay a ginayang de.”

Juan 7:38

Sakay u atanan a sumampalataya nikán ay uminom. Dipo kinagi na tu Kasulatan, ‘Gábwat tu puso nu manalig hide nikán ay magtuhog u dinom a makapangatád ti biyag.’”

Juan 7:42

Awan beman kinagi tu Kasulatan a u Cristo ay maggábwat tu lahe ni hare a David, sakay meenak ti Betlehem a banuwan ni David?”

Roma 9:17

Dipo ayun tu Kasulatan, kinagi nu Diyos ni Faraon a hare ti Egipto, “Indátton taka a hare tánni tu pamamag-itan nu gimitán ko a kontara niko ay mepeta u kapangyariyan ko sakay makilala u ngahan ko ti munduway.”

Roma 9:30

Ánya nadid u makagi tam tungkul ti iye? U bakán hide a Judio a awan nagsikap a magin makasaya tu Diyos ay kinasayaan na hide, imbilang na hide a awan ti kasalanan tu pamamag-itan nu pánnampalataya de nikuna.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Galacia 4:30

Pero konna he u kinagi nu Kautusan, “Palayasán mo u utusan a bábbey sakay u anak na; dipo u anak nu alipin ay awan dapat a mákhate tu mana nu anak nu malaya a bábbey.”

Hebreo 4:2

Dipo konna nide ay nakasaneg kitam be ti Maganda a Baheta. Pero awan de napakinabangan u nasaneg de, dipo awan di iye tinanggap a tehhod a pánnampalataya.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”