Galacia 3:26 - U Maganda A Baheta Ni Jesu-Cristo

²⁶ Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 3:26 ပူးပေါင်းရင်းမြစ်များ

Juan 1:7

Pinaangay na ti Juan tu tolay hide, para ikagi na nide u ngángngahanan tam a demlag, para maniwala hide nikuna a atanan.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

2 Corinto 1:1

Gábwat iye a sulat nikán a ti Pablo a apostol ni Jesu-Cristo, ayun tu kaluuban nu Diyos sakay gábwat tu kapatkákka tam a ti Timoteo. I sulatan iye ay para tu mánnampalataya hide ti Corinto sakay tu mánnampalataya hide a mágyan ti buo a Acaya:

2 Corinto 6:18

Hikán u magin ama moy, sakay hikam be u magin anak ko hide. Kagi nu Panginoon a Makapangyariyan.”

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Galacia 4:14

Pero maskin nahirapan kam ti husto tu págkasakit ko ay tiniisák moy, awanák moy inadiyan nan tinanggapák moy a kumán a anghel nu Diyos. Tinanggapák moy pa ngane a kumán a ti Jesu-Cristo.

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 1:1

Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

Efeso 1:5

ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.

Efeso 5:1

Kanya ahigán moy u Diyos dipo atanan moy ay pinakamamahal na a anak.

Filipos 1:1

Mahal ko hide a kákkapatkákka, iye a sulat ay gábwat nikán a ti Pablo sakay ti Timoteo a alipin hide ni Cristo Jesus. Iye ay para tu atanan a pinile nu Diyos a taga-Filipos a summampalataya hide ni Cristo Jesus, pate u puno hide sakay tu tumulung nide a mangasiwa tu mánnampalataya hide.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

Filipos 2:15

Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

Colosas 1:4

dipo nabaheta me u pánnampalataya moy ni Cristo-Jesus sakay u págmahal moy tu atanan a pinile nu Diyos,

Colosas 2:6

Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna.

Filemon 1:1

Iye a sulat ay gábwat nikán a ti Pablo, a pumáppireso dipo tu pángpakapospos ko tu Panginoon tam a ti Jesu-Cristo. U kapátkákka tam a ti Timoteo u kaguman ku he. I sulat miyan iye ay para niko, Filemon, a mahal mi a kaguman tu gawain nu Panginoon.

Filemon 1:9

pero dipo mahal taka bilang kapátkákka ko, kaya mákkekakagbiyák dálla niko. Hikán ti Pablo, a matanda dan sakay nadid ay pumáppireso pa dipo ni Cristo Jesus.

Pahayag 21:7

Iye u matanggap nu magtagumpay. Sakay hikán u magin Diyos na, sakay siya be ay magin anak ko.