Galacia 3:22 - U Maganda A Baheta Ni Jesu-Cristo

²² Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Galacia 3:22 ပူးပေါင်းရင်းမြစ်များ

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Juan 12:46

Immangayák he para demlag ni munduway, tan deya man u maniwala nikán ay awan manatili tu kadiklámman.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Gimet 16:31

Kinagi de, “Maniwala ka tu Panginoon Jesus tán maligtas ka, pate u pamilya mo.”

Roma 10:9

Ni ipahayag mo a ti Jesus ay Panginoon sakay sumampalataya ka ti buo a puso a biniyag siya a huway nu Diyos, ay maligtas ka.

Roma 11:32

Kaya atanan a tolay, Judio man oni Hentil, ay pinabayan nu Diyos a manatile hide tu pagkamasássuwayán de para ipeta na nide a atanan u kagbi na.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 3:23

Dipo u atanan ay nagkasala sakay awan hide nagin karapat-dapat tu pangileng nu Diyos.

Roma 5:12

Nadid, nagkahod ti kasalanan ti munduway dipo tu kassuway ni Adan tu utus nu Diyos. Sakay dipo tu kasalanan na ay nagkahod be ti kamatayan. Kanya matay u atanan a tolay, dipo nagkasala u atanan.

Galacia 3:14

Tinubus kitam ni Cristo para u págpapala hide a inpananto nu Diyos ni Abraham ay matanggap be nu Hentil hide tu pamamag-itan ni Jesu-Cristo. Sakay tu pamamag-itan nu pánnampalataya tam nikuna ay matanggap tam u inpananto nu Diyos a Banal a Ispirito.

Galacia 3:17

Sa iye u gusto ko a kagiyán: pinatatag nu Diyos u kasunduwan na ni Abraham sakay inpananto na a tupadán itod. Kaya i kasunduwanan itod ay awan maare a pawanan ti bisa nu Kautusan a dimmemát la kállipas nu áppat a datos ay ti tállo a pulo a taon. Nadid, itod a Kautusan ay awan maare a mangbagu tu inpananto nu Diyos.

Galacia 3:23

Nikuna a awan tam palla tukoy u tungkul tu pánnampalataya ay maparusaan kitam nakwa dipo tu awan tam kássunud tu Kautusan. Sakay awan kitam ti pag-asa a maligtas hanggan a mehayag nikitam u tungkul tu pánnampalataya.

Galacia 3:29

Ni sakup kamon ni Cristo ay lahe kamon ni Abraham sakay tagamana tu inpananto nu Diyos nikuna.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.

2 Pedro 3:13

Pero ayun tu pananto nu Diyos, ay maguhay kitam tu bigu a langet sakay bigu a luta a awan ti maski ánya man hod a kadukássan.

1 Juan 2:25

Sakay sa iye u inpananto nikitam ni Cristo: Biyag a awan ti kahád.