Galacia 3:19 - U Maganda A Baheta Ni Jesu-Cristo

¹⁹ Ni konna hod, bakin a neatád pa u Kautusan? Neatád iye para mepeta tu tolay a hide ay nagkasala tu atubang nu Diyos. Pero iye ay hanggan la a dumemát u impananto a apo ni Abraham. Neatád iye a Kautusan tu pamamag-itan nu anghel hide sakay tu tulung nu tagasuhog.

Galacia 3:19 ပူးပေါင်းရင်းမြစ်များ

Lukas 16:31

Pero kinagi nikuna ni Abraham, ‘Ni umád de a sunudán u insulat ni Moises sakay u insulat nu propeta hide ay awan dila be sanigán maski u essa a patay a nabiyag a huway.’”

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 15:22

Ni awanák he immangay a nagupos nide ay awan nakwa napatunayan a nagkasala hide. Pero nadid ay awan dán hide ti merason tu kasalanan de.

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.

Gimet 7:53

Tinanggap moy u Kautusan a inyatád nu Diyos tu pamamag-itan nu anghel hide, pero awan moy itod sássunudán!”

Roma 2:13

Dipo bakán a u magsaneg hide tu Kautusan u ibilang nu Diyos a matuwid nan u sumássunud ti iye hide u ibilang na a awan ti kasalanan.

Roma 4:15

U Kautusan u dahilan ni bakin tehhod a parusa a gábwat tu Diyos. Dipo ni awan ti Kautusan ay awan be ti págsuway.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Hebreo 2:2

Ta u impakapospos nu anghel hide a upos ay napatunayan a tatahoden, sakay u balang sumuway oni awan sumunud ay makatanggap ti karapat-dapat a parusa.

Hebreo 2:5

Sakay bakán a u anghel hide u pinile nu Diyos a mamahala tu bigu a mundo a lalangán na, iye u mundu a kákkagiyán me.