Galacia 3:1 - U Maganda A Baheta Ni Jesu-Cristo

¹ Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Galacia 3:1 ပူးပေါင်းရင်းမြစ်များ

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 7:26

Pero ni ti deya man u mágsaneg sakay awan sumunud ay kapareho siya tu essa a tolay a awan ti tukoy a nagtolnák tu bilay na tu baybay.

Lukas 24:25

Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide?

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.

Roma 10:16

Pero awan atanan ay tummanggap tu Maganda a Baheta. Kinagi ngane ni Isaias, “Panginoon, sasangan la u naniwala tu itáttoldu me hide.”

Roma 2:8

Pero tu agum hide a awan ti áisipán nan u sadile di la sakay umád de a sumunud tu tatahoden nan tu kadukássan ay ipadanas nide nu Diyos u garabi a iyamut na.

Roma 6:17

Pero salamat tu Diyos dipo hikam a date a alipin nu kasalanan ay buo a puso moy dán a sinunud u adal a intoldu nikam.

1 Corinto 11:26

Dipo kada mamággipun-ipun kam para kuman ti tinapay sakay uminom tu baso ay ipakapos-pos moy tu tolay hide u kákkatay nu Panginoon, hanggan tu kássole na a huway.

1 Corinto 2:2

Pero nagdisisyonák a awanák ti ibaheta nikam maliban ni Jesu-Cristo sakay u kákkepako na tu kudus.

2 Corinto 10:5

Sidaán me u bawat katuwiran a mapagmataas a manghadlang tu pángtengge nu tolay tu Diyos, sakay pasukuwán me u atanan a áisipán de hide tánni sumunud hide ni Cristo.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

Galacia 1:2

U atanan nu kákkapatkákka tam a katoy he ay kaguman ko a mákkumusta nikam a mánnampalataya hide a taga-prubinsiya ni Galacia.

Galacia 1:6

Nagtakaák ni bakin alisto kam a immadág tu Diyos a nangdulaw nikam tu pamamag-itan nu kagbi ni Cristo. Sakay inumagton kam tu baka-bakán a u kagi moy ay maganda a baheta.

Galacia 2:14

Nikuna ketan ko a awan dán ayun tu Maganda a Baheta u gággimitán de ay kinagi ko ni Pedro tu atubang de a atanan, “Hiko ay Judio pero kumán ka dán a Hentil dipo kuman ka a kaguman de. Pero nadid ay bakin páppilitán mo u Hentil hide a mabiyag a konna tu kákkabiyag nu Judio hide? Dipo nikuna a awan ka dán kuman a kaguman de, kumán mu labe a kinagi a u kapareho mula a Judio u nebabagay a kuman a kaguman mo.”

Galacia 3:3

Talaga a awan kam ti tukoy! Nagsapul kam a manampalataya tu pamamag-itan nu tulung nu Banal a Ispirito. Pero nadid ay akala moy wád day ni mapabegsák moy u pánnampalataya moy tu sadile moy la a begsák?

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Galacia 5:11

Kákkapatkákka ko hide, tehhod kan a magkagi a ipáppangaral ko kan hanggan nadid a kailangan pade a magpature. Ni tatahoden ina ay awan dán nakwa ti magpahirap nikán. U tatahoden ay páppahirapanák di la dipo ipáppangaral ko u tungkul tu kákkepako ni Cristo tu kudus.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Efeso 5:15

Kanya ingatan moy ni kodya kam a mabiyag. Dyan kam mabiyag a konna tu mangmang hide nan konna tu mágkalalake hide a nakatukoy tu kaluuban nu Diyos.

2 Tesalonica 1:8

Dumemát siya a tehhod a maggehab a apoy, sakay parusaan na u awan hide nangtengge tu Diyos sakay awan naniwala tu Maganda a Baheta tungkul tu Panginoon tam ati Jesus.

1 Timoteo 6:4

ay maghambug la siya pero i tahoday ay awan ti tukoy. Talaga a ugali na dán i manusutay, sakay mákpagtábbegan tungkul tu kahulugan nu upos hide a magbunga la ti sállapan, kontraan, sestiyan, sakay sihiyan.

Hebreo 11:8

Dipo tu pánnampalataya tu Diyos ay sinunud ni Abraham u utus nu Diyos a umangay tu lugar a inpananto na nikuna. Simmunud ngane siya maski awan na tukoy ni hádya angayan naay.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

Pahayag 18:3

Nangyare iye tu banauwan nu Babilonia dipo inakit ni iye u tolay hide tu buo a mundu a sumunud tu magkalaswa na a gimet. Sakay u atanan a hare ti munduway ay kuman a nangibabbey nikuna dipo nikuna de a natukuyan u paggimet ti kahalayan. Sakay u nigosyante hide ay yimmaman dipo tu mahalay na a kákkabiyag.

Pahayag 2:20

Pero sabi iye i pangsalaan kuwáy nikam: páppabayan moy la ti Jezebel, u bábbey a magkukunware a prupeta nu Diyos, a tolduwan sakay linlangán u tagapagserbi ko hide a mangibábbey oni mangilállake sakay kuman tu nealay hide tu diyos-diyosan.