Galacia 2:9 - U Maganda A Baheta Ni Jesu-Cristo

⁹ Kaya nikuna a matukuyan nu pinuno nu mánnampalataya hide, a di Santiago, Pedro sakay ti Juan, a ingkaluub nikán nu Diyos iye a gawain ay tinanggap dikame ay ti Bernabe bilang kapareho de a tagapagtoldu tu Maganda a Baheta. Sakay namágkasunduwan me a magtoldu kame tu Hentil hide sakay hide u magtoldu tu Judio hide.

Galacia 2:9 ပူးပေါင်းရင်းမြစ်များ

Mateo 16:18

Sakay kagiyán ku be niko a hiko ti Pedro sakay ti iye a bito u magin pundasyon nu pinili ko hide a tolay. Sakay awan ti makapangtalo maski u kapangyariyan ni Satanas.

Lukas 22:8

Inutusan ni Jesus ti Pedro sakay ti Juan, kinagi na, “Kammoy dán, maghanda kam ti pangapon tam para tu Aldew nu Págtaleb.”

Juan 1:42

Ingkuyog na ti Simon tu kán Jesus. Sakay nikuna a makademát hide tu kán Jesus ay inileng ni Jesus ti Simon sakay kinagi na, “Hiko ti Simon a anak ni Juan, pero sapul nadid ay dulawán ka dán a Cefas.” (U Cefas ay kapareho labe nu ngahan a Pedro, a ugusto na akagiyan ay bito.)

Gimet 12:17

Pero sininyasan na hide a tumahimik, sakay kinagi na nide ni kodya siya a inluwas nu Panginoon tu piresuwan. Sakay inbilin na be a ibaheta di ni Santiago sakay tu agum hide a mánnampalataya u nangyare. Káttapos ay naghektat dán siya a angay ti iba a lugar.

Gimet 15:13

Káttapos de a magupos ay kinagi ni Santiagu, “Kákkapatkákka ko hide, sanigán moy kagiyán kuwáy.

Gimet 15:7

Káttapos nu atakdug a pamágtábbegan ay timmaknág ti Pedro sakay kinagi na nide, “Kákkapatkákka ko hide, tukoy moy a piniliyák nu Diyos para ipangaral tu Hentil hide u Maganda a Baheta tánni sumampalataya be hide.

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

Roma 15:15

Pero nagsulaták pade tungkul tu bagay hide a dapat a ipaalaala nikam, dipo impagkaluub nu Diyos nikán

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

2 Corinto 11:5

Tu palagay ko be ay awanák medimodyan ti mágkalalakiyan ina hide a apostol.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 8:4

mákkekakagbi hide nikame a atádden hide ti pagkakataun a makatulung tu kákkapatkákka ti Judea.

Galacia 1:16

Nikuna ipakapospos nikán nu Diyos u Anak na para mebaheta ko tu Hentil hide ay awanák nák-aged ti payo tu maskin ti deyaman.

Galacia 1:18

Kállipas nu tállo a taon ay immangayák ti Jerusalem tánni mákpágguhon ni Pedro. Sapulo wak ay ti limma a aldew a nágyan hod.

Galacia 2:1

Kállipas nu sapulo ay ti áppat a taon, ay immangayák a huway ti Jerusalem, kaguman ko di Bernabe ay ti Tito.

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Galacia 6:3

Ni ti deyaman u magakala tu sadile na a mas higit siya tu agum pero awan labe ay nagbuli-bule tu sadile na.

Efeso 2:20

Kumán kitam a bilay, u pundásyon ay u intoldu nu apostol sakay u prupeta hide sakay u pinakamahalaga a bito ay ti Cristo Jesus.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Colosas 1:29

Iye u gustu ko a matupad kaya magpakahirapák a magtoldu tu pamamag-itan nu kapangyariyan ni Cristo a magahikad nikán.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.