Galacia 2:6 - U Maganda A Baheta Ni Jesu-Cristo

⁶ U punu nu mánnampalataya hide ti Jerusalem ay awan be ti nakagi. Awan ti halaga nikán ni ti deyaman hide, dipo awan ti paboran u Diyos.

Galacia 2:6 ပူးပေါင်းရင်းမြစ်များ

Mateo 22:16

Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Markos 12:14

Immadene hide sakay kinagi de nikuna, “Maisto, tukoy me a tatahoden u kákkagiyán mo, sakay awan ka ti ayunan. Dipo awan ka umileng tu kalagayan nu tolay, nan ni ánya u tatahoden a tungkul tu kaluuben nu Diyos u itáttoldu mo. Nadid, tama beman a magbayad kitam a Judio ti buwes ni Cesar a hare ti Roma?”

Lukas 20:21

Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide.

Gimet 10:34

Kanya kinagi ni Pedro, “Nadid ko a natukuyan a pare-pareho u pangileng nikitam nu Diyos.

Gimet 5:36

Sakay awan beman awan palla nalay a limmitaw ti Teudas a nagkunware a essa a dakila a puno, sakay naakit na u áppat a datos a tolay a nák-agum nikuna. Pero namághiwewalay u tauhan na hide nikuna nabuno siya kaya nabaliawan u gurupo de.

Roma 2:11

Dipo pare-pareho u pangileng nu Diyos tu atanan a tolay.

2 Corinto 11:5

Tu palagay ko be ay awanák medimodyan ti mágkalalakiyan ina hide a apostol.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 5:16

Kaya nadid, u pangileng mi dán tu atanan ay awan dán neayun tu sukatan nu tolay hide a awan mangkilala tu Diyos. Tu itod ay konna hod u pákkatukoy me ni Cristo, pero nadid ay awan dán.

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Galacia 6:3

Ni ti deyaman u magakala tu sadile na a mas higit siya tu agum pero awan labe ay nagbuli-bule tu sadile na.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

1 Pedro 1:17

Pare-pareho u pangileng nu Diyos nikitam a atanan. Hatulan na u balang essa a ayun tu ginimet na. Kanya ni dulawán tam a Ama u Diyos ni magdasal kitam ay dapat tam labe siya a igalang, mentaras a biyag kitam palla.