Galacia 2:20 - U Maganda A Baheta Ni Jesu-Cristo

²⁰ Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 2:20 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 4:3

Sakay immangay nikuna ti Satanas sakay kinagi na “Ni tatahoden a hiko u Anak nu Diyos ay ipeta mo. Gimitán mo a makan i bitowe hide.”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 10:11

Hikán u mabait sakay matapat a mággalaga a pastol U mabait sakay matapat a mággalaga ti tupa ay handa na a iyatád u biyag na para tu tupa hide.

Juan 15:13

Awan dán ti págmahal a higit tu págmahal nu essa a tolay a náng-alay tu biyag na para tu amigu na hide.

Juan 17:21

Ama ipagdasal ko niko, a nakwa magin essa hide a atanan a konna nikita. Ni kodya ka a hod nikán sakay hodák be niko, nakwa hide ay hod nikita, para maniwala u taga-mundu hide a hiko u nangpaangay he nikán.

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 3:35

Mahal a tahod nu Diyos u Anak na, sakay impabahala na nikuna u atanan a bagay tu kapangyariyan na.

Juan 6:57

U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Juan 6:69

Maniwala kame niko sakay tukoy me a hiko u Banal a pinaangay he nu Diyos.”

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Roma 1:17

Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 14:7

Awan ti essa nikitam a mabiyag oni matay tu sadile na la.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 4:25

Impabuno de ti Jesus, dipo tu kasalanan tam hide, sakay biniyag a huway tánni mebilang kitam a awan ti kasalanan.

Roma 5:2

Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Roma 5:6

Nikuna awan kitam ti magimet para makaligtas tu parusa, natay ti Cristo para tu kasalanan tam hide tu panahun a intakda nu Diyos.

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

Roma 6:8

Sakay ni hikitam ay natay a kaguman ni Cristo, maniwala kitam a mabiyag kitam be a kaguman na.

Roma 8:10

Pero dipo mágyan dán nikam ti Cristo maski matay dán u bággi moy dipo tu kasalanan ay biyag u ispirito moy dipo imbilang kamon nu Diyos a matuwid.

Roma 8:37

Pero maski konna he u pághirap tam nadid, mapagtagumpayan tam pade i atananan iye, dipo ni Cristo a nangmahal nikitam.

1 Corinto 6:17

Pero u nákpagkaessa tu Panginoon, ay magin kaessa na ti Ispirito.

2 Corinto 1:24

Bakán a gusto mi kam a págdipalonguwan tu pánnampalataya moy nan gusto mi la a tumulung tánni magin masaya kam tu pánnampalataya moy. Dipo matatag kamon tu pánnampalataya moy hina.

2 Corinto 10:3

Dipo maski ni tolay kami la ay awan kame mákpaglaban ayun tu pámmalakad ni munduway.

2 Corinto 11:10

Mentaras a he nikan u tatahoden tungkul ni Cristo, ay awan ko iyemang i págmadakál kuway a iye maski ni hádya ti Acaya.

2 Corinto 13:3

Gimitán ko iye tánni mapatunayan nikam a ti Cristo ay magupos tu pamamag-itan ko, dipo iye u áehyukán moy nikán. Awan siya mahina tu págdisiplina na nikam, nan makapangyariyan.

2 Corinto 13:5

Suriyán moy u sadile moy tánni matukuyan moy a talaga ni tehhod kam a pánnampalataya ni Cristo; purbaan moy sadile moye. Awan moy beman tukoy a katoy nikam ti Cristo Jesus? Maliban dálla ni awan kam tunay a mánnampalataya.

2 Corinto 5:14

U págmahal ni Cristo nikitam, ay ina u mangatád tu kasipag me a sumunud tu kaluuban na. Maniwala kame a natay siya para tu atanan a tolay. Kaya nadid, u atanan a tolay ay mebilang a natay.

2 Corinto 5:15

Natay siya para tu kapiyaan nu atanan a tolay, tánni u atanan a biyag, ay awan dán mabiyag para tu sadile de, nan para ni Cristo, a natay sakay nabiyag a huway para nide.

2 Corinto 5:7

Dipo mabiyag kitam ayun tu pánnampalataya tam tu Diyos, bakán a tu bagay hide a ketan.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 3:11

Nadid, malinaw a awan ti tolay a meturing a matuwid tu atubang nu Diyos tu pamamag-itan nu kássunud tu Kautusan, dipo kinagi tu Kautusan, “U tolay a inturing nu Diyos a matuwid ay mabiyag dipo tu pánnampalataya na.”

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Efeso 5:25

Hikam a lállake hide, mahalán moy u kákkabanga moy hide, konna tu págmahal ni Cristo tu mánnampalataya hide. Dipo tu págmahal na ay inyalay na u biyag na para nide.

Filipos 1:21

Dipo para nikán, u biyag ko ay nakalaan dán ni Cristo. Ni matayák dipo nikuna ay mas higit pa u pakinabang ko.

Filipos 4:13

Magimet ku iye a atanan dipo tu begsák a inyatád nikán ni Cristo.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

1 Tesalonica 5:10

Natay ti Jesu-Cristo para nikitam tánni maski natay kitamon oni biyag palla kássole na a huway ay mabiyag kitam a kaguman na.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 8:3

Tungkulin nu essa a pinakapuno a saserdote a magalay ti kaluub sakay alay. Kanya dapat a tehhod be a iyalay u pinakapuno a saserdote tam.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 3:20

Tandaan moy, mágtaknággák tu luwas nu pintuwan a makán toktokán. Ni deya man u mangsaneg tu boses ko sakay bukasan na u pintuwan ay sumáddáppák tu bilay na sakay mággatubang kame a kuman.