Galacia 2:2 - U Maganda A Baheta Ni Jesu-Cristo

² Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Galacia 2:2 ပူးပေါင်းရင်းမြစ်များ

Mateo 10:16

Kinagi pa ni Jesus tu sapulo ay ti duwwa a apostol na “Pakatandaan moy, paangayán takam tu tolay hide a umád nikán. Kumán kam a tupa a indátton tu bállog nu mágkatapang hide a hayup. Kanya ilagen moy hide konna tu biklat a alisto umilag dipo tukoy na a mepadukás siya. Pero magin mabait kam nide konna tu kalapate.

Gimet 15:12

Timmahimik hide a atanan sakay nágsaneg di Pablo sakay ti Bernabe mentaras a magbaheta hide tungkul tu makataka-taka a bagay a ginimet nu Diyos tu Hentil hide tu pamamag-itan de.

Gimet 15:2

Awan immayun di Pablo sakay ti Bernabe kaya nagin mainit u pamágguhon de tungkul ti iye. Kanya namágkaessaan de a paangayán di Pablo sakay ti Bernabe ti Jerusalem sakay tu sangan pa a mánnampalataya ti Antioquia, para itanung tu apostol hide sakay tu puno hide nu mánnampalataya hide u tungkul tu uhunanan itod.

Gimet 15:4

Káddemát de ti Jerusalem ay masaya hide a tinanggap nu mánnampalataya hide, apostol, sakay u pinuno hide sakay imbaheta de u atanan a ginimet nu Diyos tu pamamag-itan de.

Gimet 18:9

Essa a gibi ay nákpágguhon u Panginoon ni Pablo tu pangitain, kinagi na, “Diyan ka manteng nan itulos mo u pángngaral mo maski ánya man u mangyare ay diyan ka umimang.

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 5:34

Pero timmaknág u essa a Pariseo a ti Gamaliel u ngahan na, tagapagtoldu siya nu Kautusan sakay igággalang nu intero a banuwan. Inyutus na a iluwas di pala u apostol hide.

Roma 9:16

Ni konna hod, u págpile nu Diyos ay bakán a ayun tu kagustuwan nu tolay oni tu pággimet ti maganda, ni awan tu kagbi la nu Diyos.

1 Corinto 1:23

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Corinto 2:2

Pero nagdisisyonák a awanák ti ibaheta nikam maliban ni Jesu-Cristo sakay u kákkepako na tu kudus.

1 Corinto 9:24

Tukoy moy a u kasale tu ginanan ay sabay-sabay a magginan, pero eessa la u makatanggap ti gantimpala! Kaya husayán moy a magginan tánni makatanggap kam ti gantimpala.

1 Corinto 9:26

Kaya ngani a tehhod a tamuwán u págginan ko. Sakay awanák sumuntuk tu pahás.

2 Corinto 12:1

Nadid, dipo kailangan ko a mágmadakál, maski tukoy ko a awanák ti pakinabang tu pággimet ti iye, ay itulos-tulos ko. U kagiyán ko nadid ay u pangitain sakay mensahe hide a gábwat tu Panginoon.

Galacia 1:12

Dipo awan ko iye tinanggap tu tolay sakay awan bi iye intoldu nikán nu maskin deya a tolay. Nan ti Jesu-Cristo a mismo u nánghayag he nikan.

Galacia 1:16

Nikuna ipakapospos nikán nu Diyos u Anak na para mebaheta ko tu Hentil hide ay awanák nák-aged ti payo tu maskin ti deyaman.

Galacia 1:6

Nagtakaák ni bakin alisto kam a immadág tu Diyos a nangdulaw nikam tu pamamag-itan nu kagbi ni Cristo. Sakay inumagton kam tu baka-bakán a u kagi moy ay maganda a baheta.

Galacia 2:6

U punu nu mánnampalataya hide ti Jerusalem ay awan be ti nakagi. Awan ti halaga nikán ni ti deyaman hide, dipo awan ti paboran u Diyos.

Galacia 2:9

Kaya nikuna a matukuyan nu pinuno nu mánnampalataya hide, a di Santiago, Pedro sakay ti Juan, a ingkaluub nikán nu Diyos iye a gawain ay tinanggap dikame ay ti Bernabe bilang kapareho de a tagapagtoldu tu Maganda a Baheta. Sakay namágkasunduwan me a magtoldu kame tu Hentil hide sakay hide u magtoldu tu Judio hide.

Galacia 5:7

Maganda dán nakwa u kássunud moy tu tatahoden a pánnampalataya. Ti deya u nangpugád nikam a diyan itulos u kássunud moy tu tatahoden?

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Filipos 2:29

Kanya tanggapán moy siya a tehhod a kasayaan bilang tunay a tagapagserbi tu Panginoon. Igalang moy u tolay hide a konna nikuna.

1 Tesalonica 3:5

Kaya ngane, nikuna a awanák dán makatiis ay nangutusák ti umangay hina tánni ilingán ni kumusta dán u pánnampalataya moy tu Panginoon. Mabalisaák bakay ni nalinlang kamon ni Satanas, ay ni mara konna hod i mangyariyay ay mawanan ti serbi u pángngaral me.

2 Timoteo 4:7

Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.