Galacia 2:14 - U Maganda A Baheta Ni Jesu-Cristo

¹⁴ Nikuna ketan ko a awan dán ayun tu Maganda a Baheta u gággimitán de ay kinagi ko ni Pedro tu atubang de a atanan, “Hiko ay Judio pero kumán ka dán a Hentil dipo kuman ka a kaguman de. Pero nadid ay bakin páppilitán mo u Hentil hide a mabiyag a konna tu kákkabiyag nu Judio hide? Dipo nikuna a awan ka dán kuman a kaguman de, kumán mu labe a kinagi a u kapareho mula a Judio u nebabagay a kuman a kaguman mo.”

Galacia 2:14 ပူးပေါင်းရင်းမြစ်များ

Gimet 10:28

Kinagi na, “Tukoy moy a bawal tu relihiyon me a Judio u mákpisan oni bumisita tu bakán a Judio; pero inpeta nikán nu Diyos a maskin deya man ay dyan ko ituring a madangát oni awan karapat-dapat.

Gimet 15:1

Pero te sangan a tolay a dimmemát hod a gábwat ti Judea a nagtoldu tu mánnampalataya hide ti konna he, “Kapag awan kam nagpature sigun tu Kautusan ni Moises ay awan kam maligtas.”

Gimet 15:24

Nabaheta me a angen kam lálligaligán nu agum hide a kakagumanan tam a gábwat he, maski awan me hide inutusan a mángkagi nikam ti konna hod.

Gimet 15:5

Pero timmaknág u sangan a mánnampalataya a kaguman tu gurupo nu Pariseo hide sakay kinagi de, “Dapat a turiyán u Hentil hide a summampalataya sakay kagiyán a sumunud tu Kautusan ni Moises.”

Roma 14:14

Dipo tu pákpágkaessa ko tu Panginoon Jesus, siguraduwák a talaga a awan ti bawal a makan. Pero ni tu akala nu essa a tolay ay bawal u essa a makan, dapat dyan na kanán.

Galacia 1:18

Kállipas nu tállo a taon ay immangayák ti Jerusalem tánni mákpágguhon ni Pedro. Sapulo wak ay ti limma a aldew a nágyan hod.

Galacia 1:6

Nagtakaák ni bakin alisto kam a immadág tu Diyos a nangdulaw nikam tu pamamag-itan nu kagbi ni Cristo. Sakay inumagton kam tu baka-bakán a u kagi moy ay maganda a baheta.

Galacia 2:3

Maski ni Griego u kaguman ko a ti Tito ay awan de pinilit a magpature.

Galacia 2:5

Pero maskin nikan ay awan kame immayun tu gusto de, tán maingatan me u tunay a kahulugan nu Maganda a Baheta para nikam.

Galacia 2:7

Nan tinenggiyák de a piniliyák nu Diyos para mangaral tu Maganda a Baheta tu Hentil hide, konna ni Pedro a pinile be tán mangaral tu Maganda a Baheta tu Judio hide.

Galacia 2:9

Kaya nikuna a matukuyan nu pinuno nu mánnampalataya hide, a di Santiago, Pedro sakay ti Juan, a ingkaluub nikán nu Diyos iye a gawain ay tinanggap dikame ay ti Bernabe bilang kapareho de a tagapagtoldu tu Maganda a Baheta. Sakay namágkasunduwan me a magtoldu kame tu Hentil hide sakay hide u magtoldu tu Judio hide.

Galacia 6:12

U tolay a mangpilit nikam a magpature ay gustu dila a puriyán hide nu agum a tolay. Konna hod gimet diyay dipo paraan de a awan hide mapahirapan a konna tu págpahirap tu tolay a magtoldu au kamatayan la ni Cristo tu kudus u makaligtas tu tolay.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

1 Timoteo 5:20

Pero nite pinuno a tulos-tulos a mággagimitán ti kasalanan ay pagkagiyan mo tu atubang nu kakpalan, tánni meántingan u agum a maggimet ti kasalanan.

Hebreo 12:13

Sakay maglakad kam tu matuwid a dilan tánni u agum a magkahina ti pánnampalataya, ay awan mesangdul sakay mapilay nan bumegsak.

Hebreo 9:10

I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.