Galacia 2:13 - U Maganda A Baheta Ni Jesu-Cristo

¹³ Pati be u agum a mánnampalataya hod ay inumaheg ni Pedro, pate ti Bernabe ay nákke-aheg nikuna.

Galacia 2:13 ပူးပေါင်းရင်းမြစ်များ

Mateo 23:28

Talaga konna kam tu páglábbángan! Tu pangeleng nu tolay ay magkabait kam pero u tatahoden, tunay kam a mapagkunware sakay madukás.”

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

1 Corinto 12:2

Tu itod, nikuna awan kam palla mánnampalataya, ay netaw-taw kam tu pánniwala moy tu diyos-diyosan hide a awan be makapagupos.

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

1 Corinto 8:9

Pero mag-ingat kam, bakay tu kalayaan moy a kuman ti ánya man a makan ay magin rason a pagkasalaan nu mágkahina hide ti pánnampalataya.

Galacia 2:1

Kállipas nu sapulo ay ti áppat a taon, ay immangayák a huway ti Jerusalem, kaguman ko di Bernabe ay ti Tito.

Galacia 2:9

Kaya nikuna a matukuyan nu pinuno nu mánnampalataya hide, a di Santiago, Pedro sakay ti Juan, a ingkaluub nikán nu Diyos iye a gawain ay tinanggap dikame ay ti Bernabe bilang kapareho de a tagapagtoldu tu Maganda a Baheta. Sakay namágkasunduwan me a magtoldu kame tu Hentil hide sakay hide u magtoldu tu Judio hide.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.