Galacia 1:4 - U Maganda A Baheta Ni Jesu-Cristo

⁴ Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Galacia 1:4 ပူးပေါင်းရင်းမြစ်များ

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 26:28

“dipo iye u digi ko a mangpatibay tu uhunan nu Diyos, u digi ko a mebuhos para mapatawad u kasalanan nu tolay hide.

Mateo 26:42

Huway siya a ummadeyo sakay nagdasal “Ama ko, ni awan maari ibutan i pághirapan iye ni awan ko magimet ay sunudán ko u kagustuwan mo.”

Mateo 6:9

Kanya magdasal kam a te kahulugan a konna he “Amáng a Diyos ti langet, ilangkaw nakwa nu tolay hide u ngahan mo.

Markos 10:45

Dipo maski hikán a Anak nu Tolay ay immangay he ti munduwáy bakán a para pagserbiyan nan magserbi sakay máng-atád tu biyag na para maligtas u atanan nu tolay.”

Lukas 22:19

Sakay inalap na u tinapay sakay nagpasalamat tu Diyos, káttapos ay tináppeng-táppeng na itod sakay inyatád na nide. Kinagi na, “Iye u bággi ko a nealay para nikam. Gimitán moy iye a pággalaalaan moy nikán.”

Lukas 22:42

Kinagi na, “Ama, ni maare ay iyadeyo ped nikán i pághirapan iye. Pero bakán a u kagustuwan ko u masunud nan u kagustuwan mo.”

Juan 10:11

Hikán u mabait sakay matapat a mággalaga a pastol U mabait sakay matapat a mággalaga ti tupa ay handa na a iyatád u biyag na para tu tupa hide.

Juan 12:31

Dummemát dán u odas a hatulan u mundu. Sakay palayasán ti Satanas a maghare tu mundu.

Juan 5:30

Kinagi pa ni Jesus, “Awanák ti gimitán a ayun la tu sadile ko a kagustuwan. Maghatulák a ayun tu kinagi nikán nu Ama, kanya tama u hatul ko, bakán a u sadile ko a kaluuben u sunudán ko nan u kaluuben nu nangpaangay he nikán.

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 4:25

Impabuno de ti Jesus, dipo tu kasalanan tam hide, sakay biniyag a huway tánni mebilang kitam a awan ti kasalanan.

Roma 8:27

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

1 Corinto 15:3

Dipo impangaral ko nikam i tunayáy a halaga a adal a tinanggap ko labe. Siya iye: natay ti Cristo dipo tu kasalanan tam hide, tánni matupad u nakasulat tu Kasulatan.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Efeso 1:11

Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 5:16

Samantalaán moy u pagkakataun hide a makagimet kam ti maganda. Dipo makpal dán u mágkadukás a gimet ti muduwáy.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Filipos 4:20

Puriyán tam u Diyos sakay Ama hanggan-hanggan! Amen!

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 3:11

Nakwa ipakultad nu Diyos a Ama sakay nu Panginoon tam a ti Jesu-Cristo a makaangay kami hina.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

1 Timoteo 2:6

Siya u náng-atád tu sadile na a biyag tánni tubusán u atanan a tolay tu kasalanan de hide. Iye ay nangyare tu tama a panahun a intakda nu Diyos a nangpatunay tu kagustuwan nu Diyos a maligtas u atanan a tolay.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 2:5

Sakay bakán a u anghel hide u pinile nu Diyos a mamahala tu bigu a mundo a lalangán na, iye u mundu a kákkagiyán me.

Hebreo 6:5

Nadanas di dán be u kagandaan nu upos nu Diyos, sakay u kapangyariyan nu Diyos a maghare tu dumemát a panahun.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

1 Juan 3:16

Hed tam he a matukuyan u tatahoden a págmahal: inyalay ni Cristo u biyag na para nikitam. Kanya dapat be a iyalay tam u biyag tam para tu kákkapatkákka tam hide.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.

Pahayag 7:9

Káttapos ni iye ay netan ko u tunay ti kakpal a tolay a maskin deya ay awan ti makabilang! Gábwat hide tu bawat bansa, lahe, banuwan, sakay bawat upos. Mágtaknág hide tu atubang nu trono sakay nu Tupa, a nakabadu ti mapudew sakay te táttawed a palaspas.