Galacia 1:15 - U Maganda A Baheta Ni Jesu-Cristo

¹⁵ Pero tu kagbi nu Diyos ay piniliyák na dán a magin tagapagserbi na, baguwák pa a neenák.

Galacia 1:15 ပူးပေါင်းရင်းမြစ်များ

Mateo 11:26

On Amáng dipo ina i kagustuwan muway.”

Lukas 10:21

Ti odas biyan itod ay nagkahod ti Jesus ti kasayaan a gábwat tu Banal a Ispirito, kinagi na, “Magpasalamaták niko Ama a Panginoon ti langet sakay ti lutaáy dipo awan mo impakapospos tu mágkarunung i bagayan hidenye. Impakapospos mo la iye hide tu tolay hide a mapakumbaba a konna tu anak. On, Ama magpasalamaták dipo konna hod u gusto mo a mangyare.”

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 8:28

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

Roma 8:30

Kanya u tolay hide a pinile nu Diyos tu itod pa ay dinulaw na tánni magin anak na hide, sakay u dinulaw na hide ay imbilang na hide a matuwid, sakay u imbilang na hide a matuwid ay inatádden na ti karangalan.

Roma 9:24

Sakay awan dán ti iba nan hikitam a dinulaw na, bakán la a u gábwat tu Judio hide nan u gábwat be tu Hentil hide.

1 Corinto 1:1

Gábwat iye a sulat nikán a ti Pablo a dinulaw ayun tu kaluuban nu Diyos tán magin apostol ni Cristo Jesus. Sakay gábwat be tu kapátkákka tam a ti Sostenes.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

1 Corinto 1:24

Pero tu dinulaw hide nu Diyos, Judio man oni Griego, ti Cristo u kapangyariyan sakay karunungan nu Diyos.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

Galacia 1:1

Iye a sulat ay gábwat nikán a ti Pablo, a pinile a apostol bakán a gábwat tu tolay oni tu pamamag-itan nu tolay, nan ti Jesu-Cristo sakay tu Diyos Ama a huway a nangbiyag ni Jesus.

Galacia 1:6

Nagtakaák ni bakin alisto kam a immadág tu Diyos a nangdulaw nikam tu pamamag-itan nu kagbi ni Cristo. Sakay inumagton kam tu baka-bakán a u kagi moy ay maganda a baheta.

Efeso 1:5

ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.

Efeso 1:9

Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo,

Efeso 3:11

Iye u plano nu Diyos sapul pa tu sapul sakay tinupad na iye tu pamamag-itan ni Cristo Jesus a Panginoon tam.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.