Filipos 4:9 - U Maganda A Baheta Ni Jesu-Cristo

⁹ Igimet moy u atanan a natukuyan moy, natanggap, nasaneg sakay netan moy nikán. Sakay u Diyos nu kapayapaan hod nikam.

Filipos 4:9 ပူးပေါင်းရင်းမြစ်များ

Mateo 1:23

I kinagi naay ay “Ilengán moy! Magbuktet u essa a madiket sakay magenak ti essa a lállake. Sakay u magin ngahan na ay Emmanuel.” (U kahulugan nu ngahan na ay “Kakaguman tam u Diyos.”)

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

Mateo 7:21

Sakay kinagi pa ni Jesus “Awan atanan a dumulaw nikán a Panginoon ay paghariyan nu Ama ko ti langet. U paghariyan na hide ay u sumunud la nikuna.

Lukas 6:46

“Bakin dáddulawannák moy a, ‘Panginoon, Panginoon ko,’ pero awan moy labe gimitán u kákkagiyán ko?

Lukas 8:21

Pero kinagi ni Jesus, “U mágsaneg hide sakay sumunud tu upos nu Diyos ay hide u ina sakay wáwwadi ko.”

Juan 13:17

Ta tukoy moy dán iye hide a bagay ay pagpalaan kam nu Diyos ni iye u gimitán moy.

Juan 15:14

Amigu takam ni sunudán moy u utus ko hide.

Juan 2:5

Kinagi nu ina ni Jesus tu utusan hide, “Gimitán moy u ánya man a utus na nikam.”

Gimet 9:6

Tumaknág ka sakay umangay tu banuwan. Te mángkagi hod niko ni ánya u dapat mo a gimitán.”

Roma 15:33

Tulungan kam nakwa nu Diyos a mangatád ti kapayapaan. Amen.

Roma 16:20

U Diyos a pinaggábwatan ni kapayapaan ay adene nadán a puksaán u kapangyariyan ni Satanas tu pamamag-itan moy. Pagpalaán kam nu Panginoon Jesus.

1 Corinto 10:31

Kaya ngane, ni kuman kam sakay uminom oni ányaman u gimitán moy, isipán moy pa ni iye ay makapure tu Diyos.

1 Corinto 14:33

Awan masaya u Diyos tu kaguluwan dipo siya u Diyos nu kaayusan sakay kapayapaan. Tu pággipun-ipun nu atanan a mánnampalataya tu Diyos,

1 Corinto 4:16

Kaya mákkekakagbiyák nikam a umaheg kam nikán.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

Filipos 3:17

Kákkapatkákka ko hide, ahigán moy u halimbawa ko. Sakay ahigán moy be u agum a mabiyag a konna nikame.

Filipos 4:7

Ni ginimet moy iye, atádden kam nu Diyos ti kapayapaan a siya u mangbantay tu puso sakay tu isip moy dipo tu pákpagkaessa moy ni Cristo Jesus. I kapayapaanan iye ay awan kaya a maabut nu isip nu tolay.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

1 Tesalonica 2:14

U nangyare nikam kákkapatkákka mi hide, ay konna tu nangyare tu gurupo nu mánnampalataya hide ni Cristo a mágyan ti Judea. Pinasakitan kam nu kabanuwan moy hide a konna tu taga-Judea hide pinasakitan hide nu kasa-Judio di labe hide.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

2 Tesalonica 3:4

Dipo tu Panginoon ay dakál u tiwala me nikam sakay tukoy me a tulos-tulos moy a sunudán u intoldu me nikam.

2 Timoteo 4:22

Aguman ka nakwa nu Panginoon Diyos sakay pagpalaán na ka.

Santiagu 1:22

Dyan kitam tagapágsaneg la tu upos nu Diyos ni awan sunudán tam u kákkagiyán na, dipo ni awan ay lállokuwán tam la u sadi-sadile tam.

2 Pedro 1:10

Kaya ngane, kákkapatkákka ko hide, lalu kam a sumigasig a máng-aheg tu ugale moy tu pángpile nikam nu Diyos. Ni ginimet moy iye ay mapatunayan moy a dinulaw kam ngane nu Diyos sakay awan kam manghina tu pánnampalataya moy.

1 Juan 3:22

Matanggap tam u ánya man a agidán tam nikuna dipo sássunudán tam u utus na sakay gággimitán tam u makasaya nikuna.