Filipos 4:6 - U Maganda A Baheta Ni Jesu-Cristo

⁶ Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

Filipos 4:6 ပူးပေါင်းရင်းမြစ်များ

Mateo 10:19

Dyan kam mabalisa ni kodya kam a magupos oni ánya i ikagi moyay, dipo káddemát nu odas ay ipaisip nu Diyos u ikagi moy.

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Mateo 6:34

Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy dán dagdagen pa u problema moy kada aldew.”

Mateo 6:8

Dyan moy hide ahigán dipo tukoy dán nu Ama moy i kailangan moyay bagu kam a mangaged.

Lukas 10:41

Pero kinagi nikuna nu Panginoon, “Marta, Marta, grabi ka ti kábbali-balisa tu sari-sare a bagay,

Lukas 12:22

Kinagi pa ni Jesus tu disepulus na hide, “Kaya kagiyán ko nikam: dyan kam mabalisa tu makan para mabiyag kam oni tungkul tu damit a mesulot moy,

Lukas 12:29

Kanya dyan kam mabalisa tu pakán ehyok moy ti makan sakay mainom moy,

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Lukas 18:7

U Diyos pa wád u awan mángsuhog tu pinile na hide a mákkekakagbi nikuna ti aldew ay ti gibi. Paguhayán na beman wád hide ti malay a panahun?

1 Corinto 7:21

Alipin ka beman nikuna dulawán ka nu Diyos? Dyan mo iye isipán. Pero ni tehhod ka a pagkakataun a makalaya ay gimitán mo iye.

1 Corinto 7:32

Gusto takam a meadeyo tu pakánbalisa. U pággaabalaan nu lállake a awan ti kabanga ay u gawain hide nu Panginoon sakay ni kodya siya a makasaya nikuna.

2 Corinto 1:11

tu tulung nu dasal moy hide. Ni konna hod, ay makpal u magpasalamat nikuna dipo tu págpapala na nikame bilang tábbeg tu dasal nu kakpalan.

Efeso 5:20

Bilang mánnampalataya tu Panginoon tam ati Jesu-Cristo lagi kam a magpasalamat tu Diyos Ama maski ánya man u mangyare nikam.

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

Colosas 3:17

Sakay ánya man u gimitán moy magin tu pággupos oni tu gimet, ay gimitán moy a atanan tu ngahan nu Panginoon Jesus, sakay magpasalamat kam tu Diyos Ama tu pamamag-itan na.

Colosas 4:2

Dyan kam magsasawa a magdasal. Ituun moy a pirme u isip moy tu págdasal sakay lagi kam a magpasalamat tu Diyos.

1 Timoteo 2:1

Nadid, u pinakadipalongo tu atanan a ipákpágguhon ko nikam ay ipagdasal moy u atanan a tolay. Iagum moy hide tu agidán moy hide, pákkekagbi, sakay págpasalamat.

1 Timoteo 5:5

U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

1 Pedro 5:7

Ipebahala moy tu Diyos u atanan a kabalisaan moy hide dipo siya u mángmalasakit nikam.