Filipos 4:5 - U Maganda A Baheta Ni Jesu-Cristo

⁵ Ipeta moy tu atanan a tolay u kabaitan sakay pasensiya moy. Adene dán a dumemát u Panginoon.

Filipos 4:5 ပူးပေါင်းရင်းမြစ်များ

Mateo 6:25

Kaya itoldu ko nikam a dyan kam maligalig tu pangangailangan nu biyag moy a konna ti kanán, inumán, sakay badu. Awan beman mas mahalaga u biyag nan tu makan sakay mas mahalaga u bággi nan tu badu?

Mateo 6:34

Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy dán dagdagen pa u problema moy kada aldew.”

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

1 Corinto 16:22

Parusaan nakwa nu Panginoon u awan magmahal nikuna! Dumemát ka dán nakwan, Panginoon me!

1 Corinto 6:7

U pángdimanda moy tu kapatkákka moy ay dakál a pagkakamali moy. Bakin awan moy dálla kaya a pasensiyaan u mággagimitán tu madukás sakay makán dayaán nikam?

1 Corinto 8:13

Kaya ni tu makan la u dahilan a pagkasalaan nu kapatkákka ko ay dyanák dán kuman ti karne tánni awan siya magkasala.

1 Corinto 9:25

Atanan nu máksale tu ayam ay kailangan a magpugád tu sadile na tu atanan a bagay. Tánni matanggap na u gantimpala na a pang-alistuwan. Pero u gantimpala a gusto tam ay u gantimpala a panghanggan-hanggan.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Tesalonica 2:2

diyan kam manteng oni mabalisa tu mabaheta moy a dumemát dán u Panginoon. Diyan kam maniwala maski ni kagiyán de a kinagi nide nu Banal a Ispirito, oni nabaheta de oni nabasa de tu essa a sulat a gábwat kan nikame.

Tito 3:2

Pagkagiyan mo hide a dyan magupos ti madukás tungkul tu agum. Sakay tolduwan mo hide a magin mahinahun sakay maáunawaán sakay mapagpakumbaba tu balang essa.

Hebreo 10:25

Sakay diyan tam kalimunan u pákpagipun-ipun a konna tu agum a nakalimon dán. Nan pabegsákkán tam u isip nu balang essa, lalu dán nadid a ketan tamon a adene dán u káddemát nu Panginoon.

Hebreo 10:37

Dipo kinagi tu Kasulatan a, “sabadit dálla a panahun ay dumemát dán siya. Awan dán siya magmamalay.

1 Pedro 1:11

Kinagi dán nide nu Banal a Ispirito a ti Cristo ay maghirap pa bagu na a matanggap u karangalan. Inadal de ti husto ni nikan sakay ni kodya iye a mangyare.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

Pahayag 22:20

Kinagi nu Panginoon Jesus a nagpahayag ti atananan iye, “Tatahoden! Pademátták dán!” Amen. Dumemát ka dán nakwa, Panginoon Jesus!

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”