Filipos 4:3 - U Maganda A Baheta Ni Jesu-Cristo

³ Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

Filipos 4:3 ပူးပေါင်းရင်းမြစ်များ

Lukas 10:20

Pero dyan kam magsaya ta napasunud moy u mágkadukás hide a ispirito nan magsaya kam dipo nelista dán u ngaha-ngahan moy ti langet.”

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 16:12

Ikumustaák moy di Tripena sakay Triposa a mágkasipag hide a manggagawa nu Panginoon. Ikumustaák moy be tu mahal ko a kaibigan a ti Persida. Dakál u netulung na tu gawain nu Panginoon.

Roma 16:9

Ikumustaák moy be ni Urbano a kapareho ko a manggagawa ni Cristo, sakay konna be tu mahal ko a amigu a ti Estaquis.

Filipos 1:12

Gusto ko a matukuyan moy, kákkapatkákka ko hide, u nangyare hide nikán ay nakatulung ti dakál tu kállawak nu Maganda a Baheta.

Filipos 1:16

Ipáppangaral de ti Cristo dipo tu págmahal, dipo tukoy de a nepiresuwák tu pánglaban ko tu Maganda a Baheta.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 1:5

dipo tu tulung moy tu pángpakapospos tu Maganda a Baheta tungkul ni Cristo, sapul nikuna a tanggapán moy iye hanggan nadid.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Filipos 4:2

Mákkekakagbiyák nikam Euodia sakay Sintique, a magkasundu kamon a duwwa bilang matkaka tu Panginoon.

Colosas 1:7

Natukuyan moy iye ni Epafras, a tapat a alipin ni Cristo a mahal me a kaguman a tagapagserbi ni Cristo sakay siya u bilang bággi me nikuna nagtoldu siya nikam.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 20:12

Sakay netan ko a mágtaknág u nágkatay hide tu atubang nu trono, mágkataas man oni mágkababa. Sakay binuklat u libro hide, pati be u libro a listaan nu tolay hide a inatádden ti biyag a awan ti kahád. Hinatulan u nágkatay hide ayun tu ginimet de mentras biyag hide, konna tu nágkesulat tu libro hide.

Pahayag 20:15

Ni deya man u awan ti ngahan tu libro a listaan nu tolay hide a inatádden ti biyag a awan ti kahád ay ibut tu malawak a apoy.

Pahayag 21:27

Pero awan hod ti makasáddáp a ánya man a bagay a madangát tu pangileng nu Diyos, u makán gimitán ti madukás, sakay u mágkabule hide. Nan u makasáddáp laay hod tu banuwan ay u nakasulat u ngahan na tu libro nu Tupa. Dipo i librowan iye u sássulatan nu ngahan nu naatádden ti biyag a awan ti kahád.

Pahayag 3:5

U magtagumpay ay pabaduwan be ti mapudew, sakay awan ko ibu-ibutan u ngahan na tu libro nu biyag. Tenggiyán ko siya tu atubang nu Ama ko sakay tu anghel ko hide.