Filipos 4:22 - U Maganda A Baheta Ni Jesu-Cristo

²² Kumusta kam kalla kagi nu kákkapatkákka tam hide he, lalo dán u tagapagserbi hide tu palasyo nu hare.

Filipos 4:22 ပူးပေါင်းရင်းမြစ်များ

Mateo 5:47

Sakay ni u áuhunán moy ay u kaibigan moy la, ánya u nagimet moy a mas maganda kasera tu awan ko hide disepulus. Konna labe hina u gággimitán nu tolay a awan maniwala tu Diyos.

Gimet 20:38

Nalungkut hide a tahod tu kinagi na a awan di dán siya ketan a huway. Sakay impatolak de siya tu barko.

Gimet 9:13

Pero timmábbeg ti Ananias, “Panginoon, makpalák dán a nabaheta ti tolayan iye, tungkul tu kadukássan a ginággimet na tu mánnampalataya hide ti Jerusalem.

Roma 16:16

Magkumustaan kam bilang mátkaka ni Cristo, tu pamamag-itan nu malinis a ámmo, kákkumustaán kam nu atanan nu mánnampalataya ni Cristo heeh.

2 Corinto 13:13

Nákwa ay hod nikam u atanan a págpapala a gábwat tu Panginoon tam a ti Jesu-Cristo, u págmahal nu Diyos sakay tu pákpágkaessa nu Banal a Ispirito.

Filipos 1:13

Dipo natukuyan nu atanan a guwardiya tu palasyo sakay tu agum pa hide a katoy he, a nepiresuwák dipo tu kássunud ko ni Cristo.

Hebreo 13:24

Ikumusta moy kame tu mangasiwa hide nikam sakay tu atanan a kákkapatkákka. Kumustaán kam be nu kákkapatkákka ti Italia.

1 Pedro 5:13

Mákkumusta nikam u kákkapatkákka tam a katoy ti Babilonia, u pinile hide nu Diyos a kapareho tam labe a mánnampalataya. Mákkumusta be nikam ti Markos a mahal ko a anak ti pánnampalataya.

3 Juan 1:14

Umasaák a awan dán magmalay ay magketa kita sakay magkauhon.