Filipos 4:18 - U Maganda A Baheta Ni Jesu-Cristo

¹⁸ Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

Filipos 4:18 ပူးပေါင်းရင်းမြစ်များ

Gimet 10:4

Ináeleng na siya sakay grabi u ánteng na a tummábbeg, “Ánya itod, Panginoon?” Tummábbeg u anghel, “Sinaneg nu Diyos u dasal mo hide sakay nasaya siya niko tu káttulung mo tu mágkahirap hide.

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

2 Corinto 11:8

Iba a simbaan u mággaatáddán tu kailangan ko hide nikuna magserbiyák nikam; kumán ko hide a pakán takawan para la matulungan kam.

2 Corinto 9:12

U káttulung moy tu kákkapatkákka hide ay bakán la a pángsuporta tu pangangailangan de, nan magin dahilan pa nu awan ti kahád a págpasalamat de tu Diyos.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Filipos 4:12

Naranasan ku dán a maghirap. Naranasan ku dán be a magin sagana. Natukuyan ku dán a magin kontento tu ánya man a kalagayan: u mabássog oni magaláp, u kasaganaan oni lubu-lubus.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.