Filipos 4:17 - U Maganda A Baheta Ni Jesu-Cristo

¹⁷ Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Filipos 4:17 ပူးပေါင်းရင်းမြစ်များ

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 15:8

Maparangalan u Ama ko ni magbunga kam ti makpal, sakay tu konna he a paraan ay mepeta moy a disepulus takam.

Roma 15:28

Pákkeangay ko tu nakagi a tulung tu kákkapatkákka hide ti Jerusalem, maglakadák a tamo hina nikam baguwák a angay ti Ispanya.

2 Corinto 11:16

Huwayán ko: dyan moy isipán a awanák ti tukoy. Pero ni konna hod u pangakala moy ay tanggapán ku dán tánni makapagmadakállák be a konna tu essa a awan ti tukoy.

2 Corinto 9:5

Kaya naisip ko a mágdipalongo dálla hina u kákkapatkákka tam bagu hikán tánni mehanda de u tulung a inpananto moy. Tánni konna hod ketan a magaan tu pággisipan moy u pángngatád moy bakán a sapilitan.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 4:11

Awan ko iye kagiyán para mák-agidák nikam ti tulung. Dipo natukuyan ku dán a magin kontento ánya man u kalagayan ko.

1 Tesalonica 2:5

Tukoy moy be a maski nikan ay awan kame naggamit ti makaakit a paggupos tanni maakit mikam. Sakay awan kame ti madukás a hangad tu págpakapospos me. U Diyos u tistigu me.

1 Timoteo 3:3

Sakay awan siya máglalasingán, awan mágbálbág nan masássohán ti kapayapaan, awan mákpágdadima sakay awan be masássohán ti pilak.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Pedro 5:2

a alagaan moy hide ti maayus u pinile hide nu Diyos a inpagkatiwala na nikam. Alagaan moy hide a konna tu pággalaga nu pastol tu tupa na hide. Pospusán moy hide a maluwag tu isip moy dipo itod u gusto nu Diyos, bakán a u mapilitan kam la. Gimitán moy u tungkulin moy bakán a tu pangsadile moy a kapiyyaan nan gimitán moy itod dipo gusto moy a magserbi.

2 Pedro 2:15

Inadággen di dán u tama a ugale a gusto nu Diyos sakay u sinunud de ay u madukás a gimet. Inaheg de ti Balaam a anak ni Beor a nagpabayad tu pággimet ti madukás.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.