Filipos 4:14 - U Maganda A Baheta Ni Jesu-Cristo

¹⁴ Konna pa man hod ay magpasalamaták a tahod dipo tu pángtulung moy nikán tu pághirap ko.

Filipos 4:14 ပူးပေါင်းရင်းမြစ်များ

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Roma 15:27

Masaya hide a nangatád, sakay dapat la dipo kumán hide a te utang tu Judio hide. Dipo u Hentil hide ay nakabahagi tu págpapala a ispiritwal nu Judio hide, marapat be a tulungan u Judio hide tu pamamag-itan nu págpapala de a pangpilas.

Galacia 6:6

U tináttolduwan hide tu upos nu Diyos ay dapat mangatád tu pagpapala de tu magtoldu nide tu upos nu Diyos.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Hebreo 10:33

Ni minsan ay áinsultuwán dikam sakay páppahirapan tu atubang nu kakpalan. Sakay ni minsan be ay makramay kam tu agum moy a magdanas ti konna labi hod.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.