Filipos 4:11 - U Maganda A Baheta Ni Jesu-Cristo

¹¹ Awan ko iye kagiyán para mák-agidák nikam ti tulung. Dipo natukuyan ku dán a magin kontento ánya man u kalagayan ko.

Filipos 4:11 ပူးပေါင်းရင်းမြစ်များ

Lukas 3:14

Tinanung be siya nu sundalo hide, “Ay hikame, ánya be u dapat me a gimitán? Dyan kam mamilit a magaged ti pilak maskin deya oni dyan kam magsihe ti kakabuliyan. Makontento kamon tu suweldu moy,” tábbeg ni Juan.

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

2 Corinto 8:9

Dipo tukoy moy ni sa kodya ti kadakál u págmahal nu Panginoon tam a ti Jesu-Cristo, a maski mayaman siya ay nagin mahirap tánni yumaman kam tu pamamag-itan nu pagka-mahirap na.

2 Corinto 9:8

Sakay kaya kam a pasaganaán nu Diyos tu atanan a bagay a higit pa tu kailangan moy hide. Para tu atanan a panahun ay magin sapat kam tu atanan a bagay, tánni tehhod kam a metulung tu te kailangan hide.

Filipos 3:8

On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.