Filipos 3:9 - U Maganda A Baheta Ni Jesu-Cristo

⁹ sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

Filipos 3:9 ပူးပေါင်းရင်းမြစ်များ

Mateo 9:13

Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Roma 1:17

Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 10:10

Dipo imbilang nu Diyos a awan ti kasalanan u tolay a sumampalataya nikuna ti buo a puso. Sakay ni ipahayag na a siya ay sumampalataya, maligtas siya.

Roma 16:7

Ikumustaák moy be di Andronico sakay Junia, u kapareho ko hide a Judio sakay nakaguman ko tu piresuwan. Dipalongo pa hide a nagin kristiyano kasera nikán, sakay tukoy-tukoy hide nu apostol hide.

Roma 5:21

Kanya ni kodya a naghare u kasalanan tu pamamag-itan nu kamatayan, konna labe hod, maghare u habag nu Diyos sakay tu pángbilang na nikitam a awan ti kasalanan tu pamamag-itan nu Panginoon tam a ti Jesu-Cristo, tánni maranasan tam u biyag a awan ti kahád.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Filipos 3:6

Dipo ngane tu kássunud ko tu Kautusan ay pináppahirapan ko u mánnampalataya hide tu itod. Kaya ni tungkul tu pagkamatuwid ayun tu Kautusan ay awan kam ti makagi nikán.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

1 Juan 3:4

U atanan a magkasala ay awan sumunud tu kautusan nu Diyos dipo u kasalanan ay kássuway tu kautusan.