Filipos 3:20 - U Maganda A Baheta Ni Jesu-Cristo

²⁰ Pero para nikitam, u tunay tam a banuwan ay ti langet. Kaya tunay u pagkasoh tam tu págguhay tu kássole nu Panginoon a ti Jesu-Cristo, u tagapagligtas tam.

Filipos 3:20 ပူးပေါင်းရင်းမြစ်များ

Mateo 19:21

“Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Lukas 12:21

Káttapos ay kinagi ni Jesus, “Konna hina u sapitán nu tolay a makán puhunan ti kayamanan para tu sadile na. Pero mahirap labe tu pangileng nu Diyos.”

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Gimet 1:11

Kinagi de, “Hikam a taga-Galilea hide, bakin katoy kam pa he a umáeleng ti langet? Ti Jesus a netan moy a immangay ti langet ay sole siya a konna tu netan moy a káangay na ti langet.”

1 Corinto 1:7

Kaya awan kam nagkulang tu ányaman a pagpapala a ispirituwal, mentaras maguhay kam tu kássole nu Panginoon tam a ti Jesu-Cristo.

1 Corinto 15:48

Atanan a tolay ti muduwáy u bággi de ay konna tu bággi ni Adan a naggábwat tu luta. Pero u katoy ni Cristo ay magin kapareho nu bággi ni Cristo a gábwat ti langet.

2 Corinto 4:18

Kaya awan me pahalagaan u bagay hide a ketan nan tu bagay hide a awan ketan. Dipo pansandaliyan la u bagay hide a ketan, pero awan ti kahád u bagay hide a awan ketan.

2 Corinto 5:8

Kaya awan kame panghinaan ti isip maski u gusto me ay iwahak dán i bággiyan iye tánni makaguman mi dán u Panginoon.

Galacia 4:26

Pero u kabanga na a ti Sara ay bakán a alipin sakay siya u pángparehuwan tu Jerusalem a katoy ti langet, sakay siya u ina tam dipo awan kitam alipin nu Kautusan.

Efeso 2:19

Kaya awan kamon taga-iba a bansa nan kabanuwan kamon nu pinile hide nu Diyos sakay kasale tu pamilya na.

Efeso 2:6

Dipo tu pákpágkaessa tam ni Cristo Jesus, ay biniyag na kitam a huway a kaguman ni Cristo sakay pinággetnod na ti langet a kaguman na.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

1 Tesalonica 4:16

Ti aldiwan itod a kassidung nu Panginoon a gábwat ti langet, ay tehhod a masaneg u tolay hide a mabegsák a utus, a ipakhaw nu arkanghel, sakay u tánnog nu trumpeta nu Diyos. U nágkatay dán hide a mánnampalataya ni Cristo ay biyagán pa.

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 12:22

Pero hikam u inadeniyan moy ay u Buked nu Sion sakay tu banuwan nu Diyos a biyag, u makalanget a Jerusalem, a páppágyanan nu awan mabilang a anghel.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.