Filipos 3:2 - U Maganda A Baheta Ni Jesu-Cristo

² Magingat kam tu tolay hide a masássohán a maggimet ti madukás. Kumán hide a aso a magbángngal. Male u itáttoldu de dipo ipilit de a kailangan a magpature bagu hide a maligtas.

Filipos 3:2 ပူးပေါင်းရင်းမြစ်များ

Mateo 24:10

Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya.

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Mateo 7:6

Dyan moy iyatád tu aso hide u malinis hide a bagay, o ni iyatád u perlas moy tu babuy hide dipo yáyyudakán di la itod sakay duklusán di kam.

Roma 2:28

Dipo bakán a u pagigin Judio oni u pákkature u dahilan para mebilang u essa a tolay a siya ay tolay nu Diyos.

2 Corinto 11:13

Dipo iye hide a tolay ay bakán a tunay a apostol nan makándayaán la sakay magkukunware a apostol ni Cristo.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Galacia 5:15

Pero ni tulos-tulos kam a mamágdadema a kumán a aso a magkagitan ay mangilag kam dipo makay masida moy u biyag nu balang essa.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

1 Timoteo 1:19

sakay nakwa ay lagi a mabegsak u pannampalataya mo sakay malinis u kansensiya mo. Te sangan a tolay a awan sumunud tu konsensiya de kaya u pánnampalataya de ay nasida.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

2 Pedro 2:22

Ni konna hod ay nebagay la nide u kakagiyan a, “U aso ni magota ay kanán nala be a huway u inyota na. Konna be tu babuy, ni digusán mu ay sumole labe tu lusak.”

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.

Pahayag 3:9

Tandaan moy! Utusan ko u gurupo ni Satanas a mágkabule sakay mapagkunware a Judio, a angay lumuhud tu atubang moy. Sakay hod de a matukuyan a hikam u mahal ko.