Filipos 3:19 - U Maganda A Baheta Ni Jesu-Cristo

¹⁹ Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

Filipos 3:19 ပူးပေါင်းရင်းမြစ်များ

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Lukas 12:19

Sakay kagiyán ko ti sadile kuwáy, masuwertiyák dipo makpalák dán a kabiyagan! Awanák dán kula-kulangán mentaras biyagák! Kanya magpakasarapák dálla a makán kanán sakay makán inuman.

Lukas 16:19

Nadid, kinagi pa ni Jesus, “Te essa a mayaman a mágbabihisan ti mágkamahal a damit sakay makpal a sare-sare a makan ti aldew-aldew.

Lukas 18:4

Nanalay dán a awan popospusán nu huwes u bilo. Pero awan nagnalay ay kinagi nu huwes tu sadile na, ‘Maskin awanák ti ánteng tu Diyos sakay awanák ti igággalang a tolay,

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

Roma 6:21

Pero ánya u inábbang moy tu date moy a kákkabiyag a ikasanike moy dán nadid? U hantunan na ay kamatayan.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

1 Corinto 5:2

Sakay hambug kam palla! Dapat masanike kam sakay maglungkut. Paibután moy tu grupo u makán gimitán ti iye!

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

2 Corinto 11:12

Sakay tulos-tulos ko a gimitán u gággimitán ko nadid tánni awan magkahod ti rason u mágbabahetaán hide a u pagserbi de ay konna tu gággimitán me.

2 Corinto 11:15

Kaya awan pagtakaan a magkunware a alipin nu katuwiran u tagapagserbi hide ni Satanas. Kaya dumemát u aldew a maparusaan hide ayun tu atanan nu ginimet de hide.

Galacia 6:13

Maski ngane u nagpature hide ay awan sumássunud tu Kautusan. Gusto dikam la a pature tán mepagmadakál de a hide u nakaakit nikam para sumunud ti kautusanan iye.

Filipos 2:21

Dipo u agum ay awan ti iba a áisipán ni awan u sadile di la a kapiyyaan bakán a u para ni Jesu-Cristo.

Colosas 3:2

Ituun moy isip moye tu bagay hide ti langet, bakán a tu bagay hide ti lutaáy

2 Tesalonica 1:9

U parusa de ay awan ti katapusan a paghihirap, mehiwalay hide tu Panginoon, sakay hiwalay be hide tu makataka-taka a kapangyariyan na.

2 Tesalonica 2:12

Kaya maparusaan u atanan a awan maniwala tu tatahoden, dipo u gugusto de ay u gimet a madukás.

2 Tesalonica 2:8

Pumeta siya kapag naibut dán u mangpugád nikuna. Pero tu káddemát nu Panginoon Jesu-Cristo, ay bunuwán na i tolayan iye a masássuwayán. Puksaán na iye tu pamamag-itan la nu angás na. Sakay tunawán nu makasile a demlag a katoy nikuna tu káddemat na.

1 Timoteo 6:5

Gugusto na be a mákpágtabbegan tu tolay hide a madukás ti pággisipan sakay umád tu tatahoden. U akala de ay dilan u págsunud tu Diyos para yumaman.

2 Timoteo 3:4

Bakán la a ina, magin traidor hide, awan de isipán ni ánya u bunga nu gimitán de, mapagmataas hide, sakay u gugusto de ay u kagustuwan nu pilas bakán a u bagay hide a makasaya tu Diyos.

Santiagu 4:16

Pero nadid ay mágmadakál kamon sakay maghambug, madukás ina!

2 Pedro 2:1

Pero nagkahod be ti mágkabule a prupeta tu itod ti Israel. Sakay nadid ay konna bihod dipo tehod nikam a dumemát a mágkabule a prupeta. Magkunware hide a tatahoden u itáttoldu de nikam pero baka-bakán bal. Iye a adal de ay maka sida tu pánniwala moy. Adiyan de u Panginoon a nangtubus nide kaya bigla a dumemát u kapahamakan bilang parusa nide.

2 Pedro 2:13

Iye u kagantiyan nu ginággimet de a madukás. Mahilig hide a maggimet ti kalaswaan maskin tu atubang nu katolayan. Dakál a kákkasanike sakay kapintasan u iyatád de nikam. Ikasaya de u págdaya de nikam mentaras hide ay kuman a kaguman moy tu pamágkasayaan moy.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Judas 1:10

Pero lállaitán ni tolayan hidenye u bagay hide a awan de maintendiyan; konna hide tu hayup hide a u sássunudán dila ay u bábbatiyán de hide a siya be u mángpatibung nide.

Judas 1:16

Iye hide a tolay ay awan makontento tu biyag de, maseste sakay u gugusto de a sunudán ay u kagustuwan nu pilas, mágkahambug sakay sanay hide a mangloko para maalap de u gusto de.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Pahayag 18:7

Ni kodya siya a nagpakasaya sakay nagmataas tu itod, ay ipabate moy be nikuna u katapat ni iye hide a kahirapan sakay kalungkutan. Dipo u pirme na a kákkagiyán ay ‘Tanyagák a Raina! Awanák bilo, sakay awanák makadadanas ti kalungkutan maski nikan!’

Pahayag 19:20

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.