Filipos 3:13 - U Maganda A Baheta Ni Jesu-Cristo

¹³ Kákkapatkákka ko hide, awan ko áisipán a natupad ku dán i bagayan iye hide. Pero u gággimitán ko nadid ay limunán u nakalipas sakay magsikapák para maalap ko u atanan nu gusto nu Diyos a matanggap ko tu tamuwán.

Filipos 3:13 ပူးပေါင်းရင်းမြစ်များ

Lukas 10:42

pero eessa la i talagaay a kailangan. Pinile ni Maria u tama a bagay a awan mamawan nikuna.”

Lukas 9:62

Sakay konna bi he u tábbeg ni Jesus, “U mágsasuleg-sulegán a magaradu ay awan karapat-dapat tu kahariyan nu Diyos.”

2 Corinto 5:16

Kaya nadid, u pangileng mi dán tu atanan ay awan dán neayun tu sukatan nu tolay hide a awan mangkilala tu Diyos. Tu itod ay konna hod u pákkatukoy me ni Cristo, pero nadid ay awan dán.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Filipos 3:12

Awan ko kagiyán a nagimet ku dán u atanan a bagay a iye hide oni awanák dán makagimet ti kasalanan, nan magsumikapák a tupadán u kaluuban ni Cristo Jesus dipo iye u dahilan ni bakin a dinulawák na.

Filipos 3:8

On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

2 Pedro 3:8

Pero dyan moy nakwa kali-kalimunan, mahal ko hide a kákkapatkákka: a tu Panginoon, u essa a aldew ay kumán a sanglibu a taon, sakay u sanglibu a taon ay kumán la a saldew.