Filipos 3:12 - U Maganda A Baheta Ni Jesu-Cristo

¹² Awan ko kagiyán a nagimet ku dán u atanan a bagay a iye hide oni awanák dán makagimet ti kasalanan, nan magsumikapák a tupadán u kaluuban ni Cristo Jesus dipo iye u dahilan ni bakin a dinulawák na.

Filipos 3:12 ပူးပေါင်းရင်းမြစ်များ

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

1 Corinto 13:10

pero káddemát nu aldew a magin ganap u atanan, iye hide a kakayanan a te pagkukulang ay mawan a atanan.

1 Corinto 13:12

Nadid a kasalukuyan, awan maliwanag u pákkaintendi tam tungkul tu Diyos a kumán a mahabuháb a hupa u ketan tam tu aspeho, pero dumemát u aldew a ketan tam siya ti harapan. Badit palla u tukoy ko nadid; pero dumemát u aldew a matukuyan ko iye a atanan, konna tu pákkatukoy nu Diyos nikán.

1 Corinto 9:24

Tukoy moy a u kasale tu ginanan ay sabay-sabay a magginan, pero eessa la u makatanggap ti gantimpala! Kaya husayán moy a magginan tánni makatanggap kam ti gantimpala.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Galacia 5:17

Dipo u hilig nu pilas ay kontara tu kagustuwan nu Banal a Ispirito. Sakay u gusto be nu Banal a Ispirito ay kontara tu kagustuwan nu pilas. Magkalaban i duwwaan iye, kanya awan moy magimet u gusto moy a gimitán.

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Filipos 1:1

Mahal ko hide a kákkapatkákka, iye a sulat ay gábwat nikán a ti Pablo sakay ti Timoteo a alipin hide ni Cristo Jesus. Iye ay para tu atanan a pinile nu Diyos a taga-Filipos a summampalataya hide ni Cristo Jesus, pate u puno hide sakay tu tumulung nide a mangasiwa tu mánnampalataya hide.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Filipos 3:8

On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

1 Timoteo 6:19

Ti konna hod ay makapagipun hide ti kayamanan ti langet a awan mawan para tu tamuwán, sakay magkahod hide ti tatahoden a biyag.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

Hebreo 12:23

Umadene kam tu masaya a paggipun-ipun nu imbilang nu Diyos a panganay a anak na hide a nakalista ti langet u ngaha-ngahan de. Umadene kam tu Diyos a hukum nu atanan, sakay tu ispirito nu tolay hide a inturing nu Diyos a banal sakay ginimet na dán a ganap.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.