Filipos 2:5 - U Maganda A Baheta Ni Jesu-Cristo

⁵ Nakwa magkahod kam ti pággisipan a konna ni Cristo.

Filipos 2:5 ပူးပေါင်းရင်းမြစ်များ

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

Lukas 22:27

Deya beman u dakila, u pagserbiyan oni u magserbi? Awan beman ay u pagserbiyan? Pero kakagumanák moy bilang essa a tagapagserbi.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 20:35

Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

Roma 14:15

Ni masakitan u kapatkákka mo dipo tu kákkanán mo, awan dán ayun tu págmahal u gággimitán mo. Dyan mo ipahamak u kapatkákka mo ni Cristo dipo la tu pagkain, dipo natay ti Cristo para be nikuna.

Roma 15:3

Maskin ti Cristo ay awan naghangad tu sadile na kapiyyaan, nan ayun tu Kasulatan, “Hikán u timmanggap tu atanan a seste de niko, Panginoon.”

Roma 15:5

Nakwa u Diyos a mangpatatag sakay mangpabegsk tu pánnampalataya tam u tumulung nikam a mabiyag a te, págkaka-essa bilang tagasunud hide ni Cristo Jesus.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Filipos 1:1

Mahal ko hide a kákkapatkákka, iye a sulat ay gábwat nikán a ti Pablo sakay ti Timoteo a alipin hide ni Cristo Jesus. Iye ay para tu atanan a pinile nu Diyos a taga-Filipos a summampalataya hide ni Cristo Jesus, pate u puno hide sakay tu tumulung nide a mangasiwa tu mánnampalataya hide.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.