Filipos 2:30 - U Maganda A Baheta Ni Jesu-Cristo

³⁰ Dipo ngahe-ngahe dán siya a matay para tu págserbi ni Cristo. Intaya na u biyag na para matulunganák na bilang kapalit moy a magserbi nikán.

Filipos 2:30 ပူးပေါင်းရင်းမြစ်များ

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Roma 16:4

Intaya de u biyag de dipo nikán. Dakál u utang ko nide, sakay bakán la hikán ni awan pate atanan nu mánnampalataya hide a Hentil.

1 Corinto 15:53

Dipo i bággiyan iye a mahunot ay mapalitan ti awan mahunot sakay u bággi a matay ay mapalitan ti awan mata-matay.

1 Corinto 16:10

Káddemát hina ni Timoteo ay tanggapán moy siya ti maganda tánni mapayapa u kaluuban na, dipo kapareho ko siya a tagapagserbi nu Panginoon.

1 Corinto 16:17

Masayaák a tahod tu káddemát di Estefanas, Fortunato, sakay ti Acaico. Maammawák nikam a atanan pero nabawasan ti badit dipo katoy he hide dakál u tulung de nikán.

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 4:12

Kaya maski ni kamatayan u maguhay nikame dipo tu pángngaral me tu Maganda a Baheta, itod u ingkapiya moy dipo nagkahod kamon ti biyag a awan ti kahád.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Filipos 2:27

Nagkasakit ngane siya ti grabi a ngahe-ngahe na dán a ikatay pero kinagbiyan siya nu Diyos sakay pati be hikán. Kinagi ko a pati hikán, dipo tu págpiyya na ay neligtasák be tu matindi a kalungkutan.

Filipos 4:10

Tunay i saya kuwáy tu Panginoon dipo huway moy dámman a inpeta u págmalasakit moy nikán, kállipas nu sangan a taon. Tukoy ko a awanák moy nalimu-limunan. Kaya la ay awan kam ti pagkakataun a tumulung nikán.

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

Filemon 1:13

Gusto ko nakwa a mágyan pala siya nikán, mentaras a pumáppiresuwák dipo tu Maganda a Baheta. Tánni tu pamamag-itan ni Onesimo ay makatulung ka nikán.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.