Filipos 2:29 - U Maganda A Baheta Ni Jesu-Cristo

²⁹ Kanya tanggapán moy siya a tehhod a kasayaan bilang tunay a tagapagserbi tu Panginoon. Igalang moy u tolay hide a konna nikuna.

Filipos 2:29 ပူးပေါင်းရင်းမြစ်များ

Lukas 9:5

Ni mara awan dikam be tanggapán ti itona a banuwan ay lumakad kam hod. Bagu kam a humektat ay ipagpag moy pa u alikabuk nu tika-tikád moy, bilang paalaala kontara nide.”

Juan 13:20

Kagiyan ko nikam u tatahoden: U mangtanggap tu tolay hide a inutusan ko ay timmanggap nikán, sakay u mangtanggap nikán ay mangtanggap tu nángpaangay he nikán.”

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 28:10

Inatádden di kame ti makpal a regalo. Sakay nikuna maghektat kami dán ay indátton de tu abeng u kailangan mi hide.

Gimet 8:8

Kanya nagkahod ti dakál a kasayaan ti banuwanan itod.

Roma 10:15

Sakay kodya a makapangaral u deyaman ni awan siya inutusan? Ayun tu Kasulatan, “Anya dámben ti ganda a áelingán u pademát hide a magtoldu tu Maganda a Baheta.”

Roma 16:2

Tanggapán moy siya bilang kapatkákka tu Panginoon a konna tu dapat tam a gimitán bilang mátkaka tu Diyos. Tulungan moy siya tu ányaman a kailangan na dipo makpal siya a natulungan sakay essaák dán hod.

1 Corinto 16:10

Káddemát hina ni Timoteo ay tanggapán moy siya ti maganda tánni mapayapa u kaluuban na, dipo kapareho ko siya a tagapagserbi nu Panginoon.

1 Corinto 16:18

Hide u nangpasaya nikán, sakay konna be nikam. Pahalagaan moy u konna hina hide a tolay.

2 Corinto 10:18

U parangalan nu Diyos ay u tolay a karapat-dapat tu kaluuban na bakán a u mánglangkaw tu sadile na.

2 Corinto 7:2

Tanggapán moy kame tu puso moy. Awan kame ti ginimet a madukás maski ni tideya man nikam. Awan me sinida oni dinaya u tideyaman.

Filipos 2:28

Kanya ngani gusto ku dán be a makasole siya hina dipo tukoy ko a masaya kam a ketan siya a huway. Tánni mabawasan dán be i balisa kuwáy.

Colosas 4:10

Kumustaán kambe ni Aristarco a kaguman ko be a nakapireso, sakay ti Markos a pensan ni Bernabe. (Konna tu imbilin ko nikam tu itod tungkul ni Markos, tanggapán moy siya ti mahusay káddemát na hina.)

1 Tesalonica 5:12

Kákkapatkákka mi hide, mákkekagbi kame nikam a igalang moy u nagpagud hide nikam, a pinile nu Panginoon a mamahala sakay magtoldu nikam.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

3 Juan 1:10

Kanya káddemát ko hina ay iluwas ko u atanan a ginággimet na: u kakabuliyan a kinákkagi na a kontara nikame. Sakay awan padi siya nakontento ti itod, nan awan na pa tanggapán u kákkapatkákka tam a dummemát. Sakay bawalan na pa u masoh hide a mangtanggap nide. Sakay awan na dán hide pakultadan a mákpagipun-ipun tu kákkapatkakka hide ti pánnampalataya ni Cristo.