Filipos 2:17 - U Maganda A Baheta Ni Jesu-Cristo

¹⁷ U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Filipos 2:17 ပူးပေါင်းရင်းမြစ်များ

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 21:13

Pero timmábbeg siya, “Bakin magsanget kam? Diyan moy panghinaán isip kuwáy! Dipo nakahandaák a papungo maski matayák pa ti Jerusalem ni kailangan, alang-alang tu ngahan nu Panginoon Jesus.”

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 4:12

Kaya maski ni kamatayan u maguhay nikame dipo tu pángngaral me tu Maganda a Baheta, itod u ingkapiya moy dipo nagkahod kamon ti biyag a awan ti kahád.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

2 Corinto 7:4

Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

Filipos 2:18

Kanya dapat magsaya kambe sakay mákpagsaya kam be nikán.

Filipos 2:30

Dipo ngahe-ngahe dán siya a matay para tu págserbi ni Cristo. Intaya na u biyag na para matulunganák na bilang kapalit moy a magserbi nikán.

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

1 Tesalonica 2:8

Dipo grabi ti kadakál u págmahal me nikam ay inlaan mi dán u sadile me tu pángpakapospos me nikam tu Maganda a Baheta. Sakay bakán la a ina, nan iyalay mi pa u biyag me alang-alang nikam dipo mahal mikam a tahod.

2 Timoteo 4:6

Dipo awanák dán magmalay ti lutaán iye, adeniyák dán a matay dipo u biyag ko ay konna tu alay a áinumán a ibulak tu altar nu Panginoon Diyos.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Juan 3:16

Hed tam he a matukuyan u tatahoden a págmahal: inyalay ni Cristo u biyag na para nikitam. Kanya dapat be a iyalay tam u biyag tam para tu kákkapatkákka tam hide.