Filipos 1:5 - U Maganda A Baheta Ni Jesu-Cristo

⁵ dipo tu tulung moy tu pángpakapospos tu Maganda a Baheta tungkul ni Cristo, sapul nikuna a tanggapán moy iye hanggan nadid.

Filipos 1:5 ပူးပေါင်းရင်းမြစ်များ

Gimet 2:42

Nagin masipag hide tu págsaneg sakay pággadal tu itáttoldu nu apostol hide. Lagi hide a mamaggipun-ipun bilang mátkaka. Sakay hide ay pisan-pisan a kuman sakay magdasal.

Roma 11:17

U Judio hide ay konna tu essa a ponan nu kayo a olibu a kináttol u sangan tu pinget na hide. Sakay hikam a bakán a Judio ay konna tu pinget hide nu olibu a timmubu tu talon a inkabit bilang kapalit tu kináttol a pinget hide. Kanya nakinabang kam tu págpapala nu Diyos a para tu Judio hide.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Roma 15:26

Dipo masoh u kákkapatkákka hide ti Macedonia sakay Acaya a magkulekta ti tulung para tu mágkahirap hide a kákkapatkákka ti Jerusalem.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

2 Corinto 8:1

Nadid, kákkapatkákka me hide, gusto ko a ibaheta nikam u nagimet nu págmahal nu Diyos tu mánnampalataya hide ti Macedonia.

Efeso 3:6

Sa iye u sekreto nu Diyos: tu pamamag-itan nu Maganda a Baheta, u Hentil hide ay makatanggap tu pananto hide nu Diyos kaguman nu Judio hide, sakay parte be hide nu eessa a bággi dipo tu pákpagkaessa de ni Cristo Jesus.

Filipos 1:12

Gusto ko a matukuyan moy, kákkapatkákka ko hide, u nangyare hide nikán ay nakatulung ti dakál tu kállawak nu Maganda a Baheta.

Filipos 1:16

Ipáppangaral de ti Cristo dipo tu págmahal, dipo tukoy de a nepiresuwák tu pánglaban ko tu Maganda a Baheta.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Filipos 2:22

Hikamon be u nakatukoy tu katapatan ni Timoteo. Kaguman ko siya tu pángngaral tu Maganda a Baheta. Tinulunganák na, a konna tu káttulung nu essa a anak tu ama na.

Filipos 4:3

Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

Filemon 1:17

Kaya ni talaga a inturingák mo a tunay mo a kaguman tu págserbi, ay tanggapán mo ti Onesimo a konna tu págtanggap mo nikán.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.