Filipos 1:26 - U Maganda A Baheta Ni Jesu-Cristo

²⁶ Sakay ni makasoliyák dán hina nikam ay lalu moy a papuriyan ti Cristo dipo nikán.

Filipos 1:26 ပူးပေါင်းရင်းမြစ်များ

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Juan 16:24

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

2 Corinto 1:14

Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

2 Corinto 5:12

Kinagi me iye nikam a huway, bakán a para ipagmadakál nikam i sadile miyáy, nan para atádden kam ti rason a mepagmadakál moy kame, tanni matábbeg moy u tolay hide a mangpuri la tu bagay hide a pangluwas bakán a u maganda a ugale.

2 Corinto 7:14

Dipo impagmadakál takam nikuna tu itod, sakay nadid ay napatunayan na a tatahoden u atanan a kinagi ko nikuna tungkul nikam kanya awanák nasanike.

2 Corinto 7:4

Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

2 Corinto 7:6

Pero u Diyos a mangpáppasaya tu mágkalungkut hide ay pinasaya na kame tu pamamag-itan nu káddemat ni Tito.

Galacia 6:4

Dapatay ay ilingán nu balang essa u sadile na a gimet. Dipo u nakapangatád tu kasayaan nu tolay ay u pággimet na ti maganda bakán au pángpareho na tu agum tu gimet na.

Filipos 3:1

Nadid, kákkapatkákka ko hide, magsaya kam para tu Panginoon. Awanák magsasawa a mánghuway-huway a mangkagi nikam ti bagayan hidenye dipo para la be iye tu kapiyyaan moy.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Filipos 4:10

Tunay i saya kuwáy tu Panginoon dipo huway moy dámman a inpeta u págmalasakit moy nikán, kállipas nu sangan a taon. Tukoy ko a awanák moy nalimu-limunan. Kaya la ay awan kam ti pagkakataun a tumulung nikán.

Filipos 4:4

Magsaya kam a pirme tu Panginoon. Huwayán ko dámman a kagiyán: magsaya kam!