Filipos 1:13 - U Maganda A Baheta Ni Jesu-Cristo

¹³ Dipo natukuyan nu atanan a guwardiya tu palasyo sakay tu agum pa hide a katoy he, a nepiresuwák dipo tu kássunud ko ni Cristo.

Filipos 1:13 ပူးပေါင်းရင်းမြစ်များ

Gimet 26:29

Timmábbeg ti Pablo, “Maski dakál oni badit a odas, basta i dasal kuwáy tu Diyos ay bakán la nakwa hiko nan pate u atanan a mágsaneg nikán nadid ay magin konna nikán, pero dyan la nakwa u pákkapungo ko.”

Gimet 26:31

sakay kálluwas de ay kinagi de tu balang essa nide: “I tolayan iye ay awan ti ginimet a ányaman para hatulan ti kamatayan oni kákkepireso.”

Gimet 28:17

Kállipas nu tállo a aldew ay impadulaw ni Pablo u puno nu Judio hide ti Roma. Nikuna namagkatipun dán hide ay kinagi na, “Kákkapatkákka ko hide, maskin awanák ti nagimet a kasalanan kontara tu banuwan tam oni tu patakaran nu nunu tam hide ay dinakappák de ti Jerusalem sakay inpiresuwák de tu gubiyerno ni Roma.

Gimet 28:20

Impadulaw takam dipo gusto takam a ketan sakay para makagi ko nikam a kanyaák a hod he a nakapireso dipo tu pánniwala ko ni Jesus a pag-asa nu Israelita hide.”

Gimet 28:30

Sakay duwwa a taon ti Pablo a nágyan tu nákkaseruwan na sakay tinanggap na ti mahusay atanan a tolay a umadene nikuna.

Efeso 3:1

Kaya dipo ti iye, hikán a ti Pablo ay nepireso dipo tu pángngaral ko tungkul ni Cristo Jesus nikam a Hentil hide.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Efeso 6:20

Dipo inutusanák nu Diyos para ipangaral u Maganda a Baheta sakay iye u dahilan ni bakin a nakapiresuwák nadid. Kaya ipagdasal moy a mepahayag ko iye a tehhod a begsák isip dipo iye u nerarapat.

Filipos 1:30

Nadid, danasán moy ngane u pághirap a netan moy a dinanas ko tu itod sakay nabaheta moy a dáddanasán kupa de hanggan nadid.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Filipos 4:22

Kumusta kam kalla kagi nu kákkapatkákka tam hide he, lalo dán u tagapagserbi hide tu palasyo nu hare.

2 Timoteo 2:9

u dahilan nu pághirap ko hanggan a nepire-piresuwan ko a konna tu mágbabono a tolay. Pero u upos nu Diyos ay awan mepireso.