Filemon 1:10 - U Maganda A Baheta Ni Jesu-Cristo

¹⁰ Mákpágguhunák niko para tu anak ko a ti Onesimo, siya u nagin anak ko ti pánnampalataya mentaras a hedák ti piresuwanáy.

Filemon 1:10 ပူးပေါင်းရင်းမြစ်များ

Markos 9:17

Tehhod a essa a lállake tu katolayan a timmábbeg, “Maisto, inyangay ku he niko i anak kuwáy a lállake, dipo sináddáp siya ni madukás a ispirito, sakay awan dán makapagupos.

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

1 Corinto 4:14

Awan ko iye insulat para ipasanike kam, nan para payuwan takam bilang anak ko hide a pinakamamahal.

1 Corinto 4:15

Maskin magkahod kam ti sapulo a libo a tagapagtoldu tu kákkabiyag moy bilang Kristiyano, ay eessa padi u meturing a ama moy tu pánnampalataya. Hikán itod dipo hikán u nakasanigan moy tu Maganda a Baheta tungkul ni Cristo Jesus.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.

Colosas 4:9

Sakay kaguman na ti Onesimo, u tapat sakay mahal tam a kapatkákka ti pánnampalataya. Hide u mángbaheta nikam tu atanan a nangyare he.

1 Timoteo 1:2

Para ni Timoteo a tatahoden ko a anak ti pánnampalataya: Magkahod kam nakwa ti págpapala, kagbi, sakay ti kapayapaan a gábwat tu Diyos a Ama sakay ni Jesu-Cristo a Panginoon tam.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

Filemon 1:11

Tu itod ay awan ka ti pakinabang nikuna, pero nadid ay dakál dán u metulung na nikita a duwwa.

Filemon 1:13

Gusto ko nakwa a mágyan pala siya nikán, mentaras a pumáppiresuwák dipo tu Maganda a Baheta. Tánni tu pamamag-itan ni Onesimo ay makatulung ka nikán.

3 Juan 1:4

Awan dán ti agum a mas makapangpasaya nikán ni mabaheta ko a nabiyag a ayun tu tatahoden u anak ko hide ti pánnampalataya.