Efeso 6:21 - U Maganda A Baheta Ni Jesu-Cristo

²¹ Ti Tiquico, a mahal tam a kapátkákka sakay matapat a tagapagserbi nu Panginoon, u mángbaheta nikam tu atanan a bagay tungkul tu kalagayan sakay gággimitán ko.

Efeso 6:21 ပူးပေါင်းရင်းမြစ်များ

Gimet 20:4

Nákkuyog nikuna ti Sopater a anak ni Pirro a taga-Berea, di Aristarco sakay ti Segundo a taga-Tesalonica, ti Gayo a taga-Derbe, ti Timoteo, di Tiquico sakay ti Trofimo a taga-Asia.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

Filipos 1:12

Gusto ko a matukuyan moy, kákkapatkákka ko hide, u nangyare hide nikán ay nakatulung ti dakál tu kállawak nu Maganda a Baheta.

Colosas 1:7

Natukuyan moy iye ni Epafras, a tapat a alipin ni Cristo a mahal me a kaguman a tagapagserbi ni Cristo sakay siya u bilang bággi me nikuna nagtoldu siya nikam.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

2 Timoteo 4:12

Pinaangay ko ti Tiquico ti Efeso.

Tito 3:12

Paangayán ku hina niko ti Artemas ati Tiquico u essa na a ngahan. Káddemat na hina ay pilitán mo a makaangay ti Nikopolis. Dipo he dákhod a mangamiyan.

Filemon 1:16

Bakán dán a alipin nan essa dán a pinakamamahal a kapatkákka. Nepamahal dán siya nikán, pero mas lalo dán niko, bakán la a essa alipin nan kapatkákka mupa tu Panginoon.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.

2 Pedro 3:15

Alalahanán moy a kaya awan palla dumemát u Panginoon ay para atádden na pa ti pagkakataun a maligtas u tolay hide, konna tu insulat nikam nu kapatkákka tam a ti Pablo tu pamamag-itan nu karunungan a inyatád nikuna nu Panginoon.