Efeso 6:12 - U Maganda A Baheta Ni Jesu-Cristo

¹² Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Efeso 6:12 ပူးပေါင်းရင်းမြစ်များ

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Markos 4:19

pero dipo tu kabalisaan ti biyag, págmahal tu pilak, oni kákkasoh tu sari-sare a bagay, u Upos nu Diyos ay nawan tu puso de kanya awan iye nagbunga.

Lukas 13:24

Kinagi na nide, “Pilitán moy a makasáddáp tu mapiit a pintuwan. Makpal u masoh a sumáddáp hod pero awan makasáddáp.

Lukas 22:53

Aldew-aldiwák a magtoldu tu Templo sakay katoy kam bi hod, pero awanák moy dinakáp. Pero nadid ay panahun moy dán sakay panahon dambe nu paghare nu kapangyariyan ni Satanas.”

Juan 12:31

Dummemát dán u odas a hatulan u mundu. Sakay palayasán ti Satanas a maghare tu mundu.

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 16:11

Sakay male be hide tungkul tu pághatul nu Diyos dipo ti Satanas a mángdipalongo he ti munduwáy ay nahatulan dán a awan dán ti karapatan a maghare.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Roma 8:38

Awanák magduwwa-duwwa a awan ti makapánghiwalay nikitam tu págmahal nu Diyos. Maski dumemát u kamatayan tam, oni biyag kitam palla, maski u anghel hide, u puno hide u bagay hide nadid a kasalukuyan, u bagay hide a pademát, u tehhod hide a kapangyariyan, u kalangkawan, u kadisaladen, oni ányaman a linalang ay awan makapánghiwalay nikitam tu págmahal nu Diyos, u págmahal a impabate na nikitam tu pamamagitan ni Cristo Jesus a Panginoon tam.

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

2 Corinto 11:14

Sakay awan iye págtakaan! Dipo maski ti Satanas ay maare a magkunware a anghel nu Diyos.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Galacia 1:16

Nikuna ipakapospos nikán nu Diyos u Anak na para mebaheta ko tu Hentil hide ay awanák nák-aged ti payo tu maskin ti deyaman.

Efeso 1:21

Kanya sakup nu kapangyariyan ni Cristo u atanan a pághare, pámmahala, kapangyariyan, sakay pámmuno. Siya u pinakamataas a ngahan, bakán la ti panahunan iye nan pate tu pademát pa.

Efeso 1:3

Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 3:10

tánni tu pamamag-itan nu mánnampalataya hide ay mepatengge nadid tu pinuno hide sakay tu te kapangyariyan hide ti langet u awan ti kahád a karunungan nu Diyos a nehayag ti iba-iba a paraan.

Colosas 1:13

Inligtas na kitam tu kapangyariyan nu kadiklámman sakay inyagton na kitam tu kahariyan nu pinakamamahal na a Anak.

Colosas 2:15

Tu pamamag-itan nu kákkatay na tu kudus, ay natalo na ti Satanas sakay u mágkadukas hide a ispirito a pamunuwan na. Sakay impeta na tu atanan a hide ay awan dán ti kaya a mamuno nikitam Iye u katunayan a nagtagumpay siya.

2 Timoteo 2:5

Konna bi hod ay dapat kapareho ka nu essa a mággayam. Awan manalo u essa a mággayam ni awan siya sumunud tu patakaran hide.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Hebreo 12:4

Tu pághirap moy kontara tu kasalanan ay awan palla dimmemát tu punto a mabuno kam.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.