Efeso 6:11 - U Maganda A Baheta Ni Jesu-Cristo

¹¹ Gamitán moy u atanan a armas a inyatád nu Diyos nikam tánni malabanan moy u patibung hide nu diyablo.

Efeso 6:11 ပူးပေါင်းရင်းမြစ်များ

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Roma 13:12

Adene dán a lumipas u gibi, sakay magamulaldew dán. Kanya adággen tamon u gimet hide tu kadiklámman sakay isulot tam u maganda a gimet bilang panglaban tam a katoy hide tu demlag.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

2 Corinto 10:4

Dipo u armas me ay bakán a pangmundu nan u kapangyariyan nu Diyos a makapangsida tu kumalaban hide nikuna sidaán me u liwat a katuwiran.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

2 Corinto 2:11

Dapat la a magpatawad kitam tánni awan kitam malinlang ni Satanas. Dipo tukoy tam u plano na a madukás.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 6:7

Tapat me a impangaral u Maganda a Baheta tungkul tu kapangyariyan nu Diyos. U matuwid a kákkabiyag u armas me a panglaban sakay pangsangga.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Efeso 4:24

Sakay u dapat a ketan nikam ay u bigu moy a pagkatolay a nilalang a konna tu Diyos a awan ti kapintasan sakay banal.

Efeso 6:13

Kanya isulot moy u atanan a armas a inyatád nu Diyos nikam. Tánni tu aldew a dumemát u kadukássan ay magimet moy a mákpaglaban. Sakay káttapos nu pákpaglaban moy ay matatag kam padi tu pánnampalataya moy.

Colosas 3:10

sakay impalit moy dán u bigu moy a pagkatolay. Tulos-tulos iye a mabagu sakay magin kahupa nu Diyos a nanglalang nikam, tánni mas lalo moy siya a matenggi.

1 Tesalonica 5:8

Pero hikitam a sakup dán nu demlag ay dapat kitamon a magisip ti maayus. U pannampalataya sakay pagmahal u kuman a pangsangga a Isulot tam. Sakay u pag-asa nu kaligtasan a gimitán nikitam nu Diyos u kuman a helmet a mang-ingat nikitam.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Santiagu 4:7

Kanya magpasakup kam tu Diyos, labanan moy ti Satanas tánni adeyuwan nakam.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 19:20

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.

Pahayag 2:24

Pero u agum hina nikam ti Tiatira a awan nágsaneg tu toldu ni Jezebel, sakay awan summunud tu ‘mágkadsalad kan a lihim ni Satanas,’ ay awan kudán dagdagen ti dágge.