Efeso 5:5 - U Maganda A Baheta Ni Jesu-Cristo

⁵ Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Efeso 5:5 ပူးပေါင်းရင်းမြစ်များ

Gimet 20:32

Nadid ay ipabahala takamon tu Diyos sakay tu Upos na a mangpatunay tu kabaitan na. Siya u makapangpatibay nikam sakay makapangatád tu págpapala a inhanda na tu atanan a pinile na a magin kao na.

Gimet 8:21

Tukoy nu Diyos a madangát u puso mo, kanya awan ka ti karapatan oni bahagi ti gawainan iye.

Galacia 5:19

Awan metagu u gimet nu tolay a makamundu. Pángngibábbey oni pángilállake sakay u mágkalaswa sakay mágkadangát hide a gimet,

Galacia 5:21

Kássene, páglasing, sakay magkasayaan hide ti madukás, sakay ti iba a madukás a gimet. Kagiyán ko iye a huway nikam a awan mebilang tu kahariyan nu Diyos u maggimet hide ti konna he.

Efeso 5:3

Dipo pinile kam nu Diyos bilang kao na, ay awan dán dapat a ketan nikam u tungkul tu ányaman a kalase ni pángngibábbey oni pángngilállake sakay kalaswaan.

Colosas 1:13

Inligtas na kitam tu kapangyariyan nu kadiklámman sakay inyagton na kitam tu kahariyan nu pinakamamahal na a Anak.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

1 Timoteo 6:17

Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.