Efeso 5:26 - U Maganda A Baheta Ni Jesu-Cristo26 Ginimet na iye para hikitam a mánnampalataya hide ay magin banal tu atubang nu Diyos dipo hikitam ay imbilang na a nalinisan dán tu pamamag-itan nu pánniwala tam tu upos na kanya hikitam ay nabawtismuwan dán tu dinom. အခန်းကိုကြည့်ပါ။ |
Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’
Lagi kambe a manalig a natanggap moy dán u kaligtasan moy a gábwat ni Cristo kanya hikam ay ligtas dán, konna tu essa a sundalo a manalig dipo tukoy na ate helmet siya a pangdipensa na tu ulu na. Sakay dapat lagi kam a handa a magpahayag tu upos nu Diyos a itoldu nikam nu Banal a Ispirito, dipo iye u kumán moy a áttak.
I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.