Efeso 5:23 - U Maganda A Baheta Ni Jesu-Cristo

²³ Dipo u lállake u ulo nu kabanga na, konna ni Cristo a ulo sakay tagapagligtas nu mánnampalataya hide a bággi na.

Efeso 5:23 ပူးပေါင်းရင်းမြစ်များ

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

1 Corinto 6:13

U kagi be nu agum ay “U makan ay para tu tiyan, sakay u tiyan ay para tu makan.” Tama ina, pero pare-pareho ina a sidaáan nu Diyos. U bággi ay bakán a para tu pángngibábbey sakay pángngilállake nan para tu págserbi tu Panginoon, sakay u Panginoon u bahala a mangalaga tu bággi.

Efeso 4:15

Nan manatili kitam tu katutuhanan a tehhod a págmahal tánni tu atanan a bagay ay magin konna kitam ni Cristo a siya u ulo nu atanan nu mánnampalataya hide.

Efeso 5:24

Kanya ni kodya a magpasakup ni Cristo u mánnampalataya hide, ay konna be hod u bábbey hide dapat a pasakup tu kákkabanga de hide tu atanan a bagay.

Colosas 1:18

Ti Cristo u ulo nu mánnampalataya hide sakay hide u bággi na. Siya u pinaggábwatan nu biyag a awan ti kahád, dipo siya u kadipalonguwan a nabiyag a huway tánni siya u pinakadakila tu atanan.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

Pahayag 19:7

Dapat kitam a magsaya sakay puriyán tam siya, dipo dummemát dán u kasal nu Tupa. Sakay nakahanda dán u kakasal na a bábbey.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.